Mádeniet jáne sport vitse-ministri Órken Bisaqaev Tokio Olimpiadasyna qatysatyn sportshylar Qazaqstanda oqý-jattyǵý jiyndaryna qatysa beretinin málimdedi, dep habarlaidy "Ult aqparat".
«Elde tótenshe jaǵdaidyń engizilýine bailanysty sport salasynda da naqty sheshimder qabyldandy. Birinshiden, sportshylar shetelge shyqpaityn boldy. Onyń ishinde balalar men jasóspirimder memlekettik sport mektepteriniń sabaqtary toqtatylady. Fitnes jáne jattyǵý zaldarynyń, sport keshenderiniń qyzmeti toqtatylady. Jalpy tótenshe jaǵdai kezinde barlyq sport túri boiynsha is-sharalar bolmaidy», - dedi Órken Bisaqaev OKQ-da ótken onlain-formattaǵy baspasóz máslihatynda.
Mádeniet jáne sport ministrligine qazirgi tańda «Barys» hokkei komandasy boiynsha suraqtar túsip jatqany atap ótildi. Klýb basshylary óz saitynda komandanyń «Gagarin» kýbogyna qatyspaitynyn jariialaǵan. Biraq qurlyqtyq hokkei ligasy áli resmi málimdeme jasamady.
«Sonymen qatar Olimpiada oiyndaryna qatysý týraly suraqtar kóp. Ol boiynsha qazirgi ýaqytta litsenziialanǵan týrnirler keiinge qaldyrylýda. Shetelde júrgen sportshylardyń bárin Qazaqstanǵa qaitaryp jatyrmyz. Qazaqstan aýmaǵynda oqý-jattyǵý jiyndaryn ótkizý máselesi áli pysyqtalýda. Sebebi Tokioda ótetin Olimpiada oiyndaryn ótkizý týraly másele óz kúshinde. Sondyqtan sportshylar sporttyq formalaryn saqtaýy úshin daiyndyq júrgizýin toqtatpaý týraly sheshim qabyldap jatyrmyz», - dedi ol.
