foto: freepik.com
Qazaqstandyq sottarǵa turǵyndardy úiinen shyǵarý quqyǵy berilýi múmkin. Bul bastama týraly tolyǵyraq Ishki ister ministrligi Ákimshilik politsiia komiteti tóraǵasynyń orynbasary Renat Zulhaiyrov aityp berdi, - dep habarlaidy Tengrinews.kz saity.
Ishki ister ministrliginiń apta saiynǵy brifinginde Zulhaiyrov áielder men balalar quqyǵyn qorǵaýǵa, sondai-aq otbasy qundylyqtaryn nasihattaýǵa baǵyttalǵan zańnamalyq túzetýler týraly aitty.
"Densaýlyqqa jeńil ziian keltirý jáne uryp-soǵý úshin qylmystyq jaýapkershilik qarastyrý josparlanyp otyr. Quqyq buzýshynyń minez-qulqyna qoiylatyn erekshe talaptar sheńberinde sotqa agressordy turǵyn úiden ýaqytsha shyǵarý quqyǵy beriledi. Bul rette oǵan áleýmettik beiimdeý ortalyqtarynda óz áreketi týraly oilaný usynylady. Sondai-aq, sot agressordy densaýlyq saqtaý uiymdarynda mindetti psihokorrektsiialyq kýrstardan ótýge mindetteýge quqyly", - dedi ol.
Ákimshilik politsiia komiteti tóraǵasy orynbasarynyń aitýynsha, Qylmystyq kodeks aiasynda minez-qulyqqa osyndai erekshe talaptar belgilenedi. Sondai-aq, Zýlhaiyrov Ishki ister ministrliginde osy máselelermen arnaiy ainalysatyn turmystyq zorlyq-zombylyqpen kúresý úshin mamandandyrylǵan bólim qurý jospary baryn eske saldy.
