Elimizdegi talantty shahmatshy qyzdardyń biri Bibisara Asaýbaeva aldaǵy ýaqytta jarystarǵa Reseidiń atynan shyǵatyn bolady. Bul týraly chess-news.ru saityna silteme jasap, BAQ.kz tilshisi habarlap otyr.
Bibiasara elimizdegi talantty shahmatshylardyń biri. Jastyǵyna qaramastan oqýshylar arasynda úsh márte álem chempionatyn utqan. Bir ret 8 jasqa deiingi búldirshinder arasynda álem birinshiliginde top jarǵan. 7 jasynda áielder arasyndaǵy FIDE sheberi ataǵyn alǵan.
Endi, mine, Asaýbaeva Qazaqstannyń emes, Reseidiń atynan shyǵatyn boldy. Sportshy qyzdy Máskeý oblysynyń Shahmat federatsiiasynyń prezidenti Sergei Nesterov shaqyrǵan. Bibisara qazirgi Máskeý oblysyna qarasty Himki qalasynda turady.
Bibisara Taraz qalasynyń týmasy. 2004 jyly 26 aqpanda dúniege kelgen. Tanymal intelektýaldyq oiynǵa 4 jasynda atasy baýlyǵan eken.
Shahmatshy qyzdyń anasy Liana Tańjaryqova buǵan deiingi bergen suhbattarynda Federatsiia tarapynan qoldaýdyń azdyǵyn aitqan bolatyn.
Aita keteiik, Bibisara shahmattan bólek, kórkem gimnastikamen de ainalysady. Sporttyń bul túrinen Astana qalasynyń eki dúrkin chempiony atanǵan. Bolashaqta kórkem gimnastikadan Olimpiada chempiony bolýdy jáne shahmattan áielder arasynda álem chempiony atanýdy kózdeitinin jetkizgen bolatyn.
