Indoneziiada ótip jatqan Jazǵy Aziia oiyndarynda semserlesýden Qazaqstan komandasy jarysty tolyǵymen aiaqtady, dep habarlaidy QazAqparat tilshisi.
QR UOK baspasóz qyzmeti málim etkendei, semserlesýden Qazaqstan komandasynyń bas bapkeri Aleksei Pistsov Aziia oiyndaryna núkte qoiyp, sportshylardyń aiaq alysyna baǵa bergen.
Aita keteiik, qazaqstandyq sportshylar úshin semserlesýden Aziia oiyndary aiaqtaldy. Búgin semserlesýshi qyzdar shirek finalda Gonkongtan utylyp, júldege iline alǵan joq.
«Jospardy tolyǵymen oryndadyq. Biz osyndai nátijege qol jetkizýdi kózdegen edik. Árine, kemshin tustar áli de jeterlik. Endi qatemizdi túzep, kelesi iri jarystarǵa daiyndalamyz. Osy oraida, bizge qoldaý kórsetken Qazaqstan Ulttyq Olimpiadalyq komitetine alǵysymdy bildiremin», - deidi bas bapker.
Eske sala keteiik, semserlesýden Qazaqstan komandasy Aziia oiyndarynda 1 altyn, 2 qola medal jeńip aldy.
