Qazaqstan týraly jarnamalyq rolik týrizm týraly jazatyn tanymal reseilik Tutu.ru saitynyń sheshimi boiynsha 2018 jylǵy úzdik beinejazbalardyń biri atandy, dep habarlaidy "Ult aqparat".
«Biz qaida ushyp baramyz?» atty tanymal rolik Kazakh Tourism men QR Mádeniet jáne sport ministrligi Týrizm indýstriiasy komitetiniń byltyr qyrkúiektegi tapsyrysy boiynsha Euronews telearnasynda kórsetý úshin túsirilgen.
Ol qazaqstandyqtar arasynda tanymaldylyqqa ie boldy, keiin shet elderge keńinen taraldy. Bul joly Tutu.ru reseilik saitynyń tujyrymy boiynsha 2018 jylǵy saiahat týraly videolardyń úzdik ondyǵyna kirdi.
«Týristik baǵyttaǵy jarnamalyq rolikter - jeke videojanr. Ádette olardyń bári birdei bolyp keledi: tabiǵattyń sulý beinesi, kopterden túsirilgen taspalar, tamaqtardy jaqynnan túsirý, kúlimsiregen qyzdar. Bul roliktiń avtorlary qai eldi jarnamalanyp jatqanyn sońyna deiin aitpaidy. Siz «osy ásem sulýlyqtyń» qaida ekenin tabýǵa umtylasyz. Sońynda bilgen kezde tańǵalasyz», - dep jazady saittyń bas redaktory Timýr Iýsýpov.
