Qazaqstandyq rejisser Ádilhan Erjanovtyń «Túngi qudai» kinokartinasy Úndistandaǵy kinofestivalde aziialyq konkýrstyq baǵdarlamaǵa qatysady, dep habarlaidy "Ult aqparat" «Qazaqfilm» kinostýdiiasyna silteme jasap.
Halyqaralyq kinofestival 21-28 aqpan kúnderi Úndistannyń Bangalor qalasynda ótedi. Bengaluru International Film Festival-da aziialyq jáne úndi filmderiniń konkýrstyq baǵdarlamalary bar. Sondai-aq, konkýrstan tys baǵdarlamaǵa taǵy bir qazaqstandyq rejisser Emir Baiǵazinniń «Ózen» kartinasy qatysady.
Aita keteiik, «Túngi qudaidyń» álemdik premerasy 2018 jyldyń sáýir aiynda Máskeý halyqaralyq kinofestivali aiasynda ótti. Odan bólek, film Parijdegi L'Etrange Festival-de, Reseidegi «Krai Sveta» HKF, Indoneziiadaǵy Jogja-NETPAC Asian Film Festival jáne Almatydaǵy Sháken Aimanov atyndaǵy HKF-da kórsetilgen bolatyn.
