2020 jylǵy naýryz aiynda Qazaqstanda koronavirýspen aýyrǵan alǵashqy adam anyqtaldy.
23 naýryzda naýqastardan patologiialyq materialdar alyndy. Materialdan COVID-19 virýsy bólinip, onyń biologiialyq qasietteri zertteldi. Osy ýaqyttan bastap qazaqstandyq ǵalymdar birden vaktsina ázirlei bastady.
9 mamyrda ǵalymdar QazVac (QazCovid-in) vaktsinasyn ázirlep shyǵardy.
15 mamyrda Densaýlyq saqtaý uiymy ony kandidattyq vaktsina retinde tirkedi jene ǵalymdar zerthanalyq janýarlarǵa egý arqyly klinikaǵa deiingi zertteýdi bastady.
Maýsym aiynda QR Densaýlyq saqtaý ministrliginiń Dárilik zattardy saraptaý ulttyq ortalyǵy zertteýdiń oń nátijelerin moiyndady.
Shildede ǵalymdar ózderi jasap shyǵarǵan QazVac (QazCovid-in) vaktsinasyn alǵashqy bolyp ózderine salǵyzdy.
17 qyrkúiekte 44 eriktiniń qatysýymen I kezeńniń klinikalyq zertteýleri bastaldy. Nátijesinde vaktsina joǵary qaýipsizdigin kórsetti, eriktilerdiń jaǵdaiy qalypty.
17 qazanda klinikalyq zertteýlerdiń II kezeńi bastalyp, oǵan 200 erikti qatysty. Nátijesinde vaktsina joǵary immýnogendilik pen tiimdiligin kórsetti.
19 jeltoqsanda Densaýlyq saqtaý ministrligi klinikalyq zertteýlerdiń sońǵy III kezeńin júrgizýge ruqsat berdi, onyń aiasynda 3 myń eriktige QazVac (QazCovid-in) vaktsinasy salyndy.
Vaktsina 21 kún aralyqpen 2 ret egiledi. Eriktilerdiń qanynda qajetti qorǵanys antideneleri paida boldy.
QR Bilim jáne ǵylym ministri Ashat Aimaǵambetov, S. J. Asfendiiarov atyndaǵy QazUMÝ rektory Talǵat Nurǵojin, Jambyl oblysynyń ákimi Berdibek Saparbaev QazVac (QazCovid-in) qazaqstandyq vaktsinasyn klinikalyq synaqtardan tys ózderine salǵyzdy.
