Qazaqstandyq pancher Áli Ahmedov (13-0, 10 KO) Kosta-Mesadaǵy (Kaliforniia, AQSh) boks keshinde jekpe-jegin taǵy da nokaýtpen aiaqtady, dep habarlaidy «SPORTINFORM».
Gennadii Golovkinmen bir jerde jattyǵyp júrgen 23 jastaǵy boksshynyń qarsylasy Meksikanyń 27 jastaǵy boksshysy Djovani Haver Gomes (17-15, 11 KO) bolǵan. Aiqas qazaqstandyq boksshy úshin jeńil ótip, birinshi raýndta merziminen buryn aiaqtalǵan.
Eske sala keteiik, buǵan deiin Ahmedov 32 jastaǵy amerikandyq boksshy Horhe Eskalanteni (9-1-1, 6 KO) nokaýtqa jibergen edi. Endi Áli Ahmedovtyń rekordy 13 jeńisten (10-ny nokaýtpen) quralǵan. Qazaqstandyq boksshy jartylai aýyr salmaqta WBC Youth World jáne NABF Junior beldikterine ie.
