Aldaǵy qyrkúiek aiynda qazaqstandyq palýan Dáýlet Shabanbaiǵa London Olimpiadasynyń medali tabystalady. Bul týraly búgin Pavlodardyń Óńirlik kommýnikatsiialar qyzmetinde oblystyq Týrizmdi jáne sportty damytý basqarmasy basshysynyń orynbasary Nurlan Esembaev málim etti, dep habarlaidy "Ult aqapart".
Ravlodarnews.kz saitynyń jazýynsha, Dáýlet Shabanbaiǵa Olimpiadanyń qola medalin Nur-Sultan qalasynda kúres túrlerinen 14-22 qyrkúiek aralyǵynda ótetin Álem chempionaty aiasynda tabystaý aózdelip otyr.
«Aldyńǵy júldeger atanǵan sportshylar medaldaryn keri qaitardy. Olimpiada komitetiniń habarlaýynsha, elordamyzda kúres túrlerinen ótetin Álem chempionatynda palýanymyzǵa qola medaldi tabystaý josparlanyp otyr», - dedi Nurlan Esembaev.
Aita keteiik, Pavlodar oblysynyń sportshysy Dáýlet Shabanbai 2012 jyly London Olimpiadasyna erkin kúresten qatysqan bolatyn. 120 keli salmaq dárejesinde kúresken palýanymyz qola medal úshin beldesýde reseilik Bilál Mahovqa ese jiberip, jarysty toqtatty. Arada 7 jyl ótkennen keiin osy salmaqta Olimpiadanyń kúmis júldegeri atanǵan grýziialyq David Modzmanashvilidiń dopingtik synamasynan tyiym salynǵan zattar tabyldy. Sportshynyń nátijesi joiylyp, odan jeńilgen reseilik Bilál Mahov kúmis júldeger atandy. Al, Bilálǵa ese jibergen Dáýlet Shabanbai qola júldege ie boldy.
D.Shabanbai Aziia chempionatynyń tórt dúrkin qola júldegeri jáne bir márte kúmis júldegeri. Sondai-aq 2014 jylǵy Aziia oiyndarynda kúmis medal oljalaǵanbolatyn.
