Qazaqstandyq oqýshylar alǵash ret informatikadan Eýropalyq jasóspirimder olimpiadasyna (European Junior Olympiad in Informatics) qatysyp, jaqsy nátije kórsetti, dep habarlaidy "Ult aqparat" BǴM baspasóz qyzmetine silteme jasap.
Biyl Olimpiadaǵa 27 memleketten 90-nan astam oqýshy qatysqan. Qazaqstannyń qurama komanda músheleri ulttyq jarystar qorytyndysy boiynsha anyqtalǵan bolatyn. Osylaisha qazaqstandyq qurama komanda músheleri – informatika páni boiynsha respýblikalyq olimpiada jeńimpazdary men júldegerleri eýropalyq saiysqa qatysty.
«Olimpiada qorytyndysy boiynsha qazaqstandyq oqýshylar jaqsy nátije kórsetip, joǵary marapatqa ie boldy. Atap aitsaq, Van Li altyn medal (Almaty qalasyndaǵy RFMM), Taimas Korǵanbaev kúmis medal (Almaty qalasyndaǵy № 165 mektep-litseii), Ádil Sultanov qola medal (Atyraý qalasyndaǵy oblystyq mamandandyrylǵan «Bilim - Innovatsiia» litseii), Ramazan Perdebai – qola medal (Karaǵandy qalasyndaǵy N. Nurmaqov atyndaǵy mamandandyrylǵan mektep-internaty ielendi», - dep habarlaidy ministrlikten.
Biyl European Junior Olympiad Informatics (EJOI) uiymdastyrý komiteti olimpiadany onlain rejimde ótkizý týraly sheshim qabyldaǵan bolatyn.
