قازاقستاندىق وقۋشىلار العاش رەت ينفورماتيكادان ەۋروپالىق جاسٶسپٸرٸمدەر وليمپياداسىنا (European Junior Olympiad in Informatics) قاتىسىپ, جاقسى نەتيجە كٶرسەتتٸ, دەپ حابارلايدى "ۇلت اقپارات" بعم باسپاسٶز قىزمەتٸنە سٸلتەمە جاساپ.
بيىل وليمپياداعا 27 مەملەكەتتەن 90-نان استام وقۋشى قاتىسقان. قازاقستاننىڭ قۇراما كوماندا مٷشەلەرٸ ۇلتتىق جارىستار قورىتىندىسى بويىنشا انىقتالعان بولاتىن. وسىلايشا قازاقستاندىق قۇراما كوماندا مٷشەلەرٸ – ينفورماتيكا پەنٸ بويىنشا رەسپۋبليكالىق وليمپيادا جەڭٸمپازدارى مەن جٷلدەگەرلەرٸ ەۋروپالىق سايىسقا قاتىستى.
«وليمپيادا قورىتىندىسى بويىنشا قازاقستاندىق وقۋشىلار جاقسى نەتيجە كٶرسەتٸپ, جوعارى ماراپاتقا يە بولدى. اتاپ ايتساق, ۆان لي التىن مەدال (الماتى قالاسىنداعى رفمم), تايماس كورعانباەۆ كٷمٸس مەدال (الماتى قالاسىنداعى № 165 مەكتەپ-ليتسەيٸ), ەدٸل سۇلتانوۆ قولا مەدال (اتىراۋ قالاسىنداعى وبلىستىق مامانداندىرىلعان «بٸلٸم - يننوۆاتسييا» ليتسەيٸ), رامازان پەردەباي – قولا مەدال (كاراعاندى قالاسىنداعى ن. نۇرماقوۆ اتىنداعى مامانداندىرىلعان مەكتەپ-ينتەرناتى يەلەندٸ», - دەپ حابارلايدى مينيسترلٸكتەن.
بيىل European Junior Olympiad Informatics (EJOI) ۇيىمداستىرۋ كوميتەتٸ وليمپيادانى ونلاين رەجيمدە ٶتكٸزۋ تۋرالى شەشٸم قابىلداعان بولاتىن.
