Taldyqorǵan qalasyndaǵy Nazarbaev Ziiatkerlik mektebiniń oqýshysy Dair Serik «Childrens Museum of Art» atty XX Halyqaralyq balalar sýretiniń konkýrsynda «Kanagava syilyǵynyń» iegeri atandy. Bul jaiynda aqparat atalǵan mekteptiń Feisbýktegi paraqshasynda jariialandy, dep habarlaidy "Ult aqparat".
Mektep málimetinshe, Japoniianyń Kanagava prefektýrasynda ótken onlain baiqaýǵa Eýropa, Afrika, Aziia, Amerika jáne Okeaniia elderinen 92 memleket qatysqan. Óner sabaǵynyń muǵalimi Tilesh Namazbekovtyń jetekshiligimen Dair Serik qazylar alqasynyń múshelerine peizaj janrynda oryndaldalǵan «Meniń týǵan ólkem - Jetisý» jumysyn usynǵan.
«Childrens Museum of Art» Halyqaralyq baiqaýynyń qorytyndysy boiynsha Taldyqorǵan qalasyndaǵy Nazarbaev Ziiatkerlik mektebiniń oqýshysy Dair Seriktin sýreti 30 myń jumystyń ishinen top jaryp «Kanagava syilyǵymen» marapattaldy.
Sonymen qatar, «Meniń týǵan ólkem - Jetisý» peizajy eń úzdik shyǵarmalar jinaǵyna iriktelip alyndy.
Dair Serik Japoniiadaǵy Halyqaralyq kórmesiniń jeńimpazdaryn marapattaý rásimine qatysýǵa shaqyrý aldy», delingen taratylǵan aqparatta.
