Otandyq balalar kiiminiń Mimioriki brendi jáne Resei men TMD elderindegi Disney kompaniiasy balalarǵa arnalǵan kiim-keshektiń jańa toptamasynyń satylymyna múmkindik beretin litsenziialyq kelisimge qol qoidy. Bul Qazaqstannyń jeńil ónerkásibi úshin airyqsha jańalyq bolyp otyr, dep habarlaidy QR IIDM baspasóz qyzmeti.
Disney kompaniiasy Resei naryǵyndaǵy №1 litsenziat bola otyryp, iri halyqaralyq kompaniialarmen, reseilik óndirýshilermen jáne distribiýtorlarmen belsendi túrde seriktese jumys júrgizedi. Qazirgi tańda kompaniianyń 300-ge tarta seriktes-litsenziaty bar. Olardyń qatarynda naryqta moiyndalǵan kóshbasshylar da, jańadan órkendep kele jatqan jas kompaniialar da jetkilikti. Otandyq Mimioriki brendi – Resei men TMD elderindegi Disney kompaniiasynyń eń alǵashqy litsenziaty.
Kelisim shartyna sáikes, qazaqstandyq brend kiim-keshek dizainynda «Muzdy ólke», «Arystan patsha», «Ańdar polisi» sekildi Disney filmderiniń kópshilik súietin keiipkerleriniń, Disney-diń Mikki Maýs jáne Vinni qonjyq sekildi klassikalyq keiipkerleriniń, sonymen qatar MARVEL kinoálemindegi Órmekshi-adam, Temir adam, Halk pen Kapitan Amerikanyń, «Juldyzdy Shaiqastar» dastanyndaǵy keiipkerlerdiń sýretterin paidalana alady. Mimioriki litsenziialyq jelisinde fýtbolkalar, jempirler, svitshottar, shalbarlar, kóilekter jáne taǵy basqa kóptegen zattar bar.
«Mimioriki sekildi naryqtyń iri oiynshysymen seriktestik Qazaqstan tutynýshylaryna jetý jolynda Resei men TMD-daǵy Disney kompaniiasy úshin mańyzdy kezeń bolyp otyr. El ishinen oryn tapqan beiildi aýditoriiasy men tolyqqandy ózindik óndiristik tsikli bar airyqsha brend tutynýshylardyń talap-tilegine sai keleri sózsiz. Biz balalar men olardyń ata-analaryn qýantatyn Mimioriki brendimen birge jańa kollektsiialardy qurý múmkindiginiń paida bolǵanyna qýanyshtymyz», - deidi Resei men TMD-daǵy Disney kompaniiasynyń litsenziialaý jáne bólshek saýdamen jumys departamentiniń direktory Sergei Pichýgin.
Mimioriki kompaniiasy The Walt Disney Company arnaiy ázirlegen halyqaralyq ILS eńbek standartynyń sáikestigi boiynsha áleýmettik aýditten sátti ótti. Bul protsedýra kelisimge qol qoiýda mindetti bolyp sanalady.
«Bul biz úshin zor maqtanysh ári aýqymdy syn bolmaq! Bir jaǵynan Disney-diń jahandyq úlken tarihynda izimiz bolatynyna, súiikti keiipkerler sýrettelgen jáne bizdiń aýditoriiaǵa qazaq jáne orys tilindegi uransózder jazylǵan kiim-keshekpen balalarǵa shattyq syilaitynymyzǵa qýanyshtymyz. Ekinshi jaǵynan bul qadam bizdiń kompaniianyń ár mamany úshin orasan zor ósim bolary daýsyz. Sebebi Disney standarttarynyń talaby tym joǵary», - dedi Mimioriki kompaniiasynyń bas direktory Inna Apenko.
Kelisimge kele otyryp Mimioriki balalar kiim-keshegi óndirisin 30% arttyryp, Disney keiipkerleri sýrettelgen 100 myńǵa tarta ónim shyǵarýdy kózdeidi. Disney klassikasyndaǵy alǵashqy kollektsiialar – teńdessiz Mikki men Minni 2020 jyldyń 1 sáýirinde satylymǵa shyǵady. Búkil jańa ónim Qazaqstan aýmaǵynda satylady. Qazirgi tańda Mimioriki-diń Qazaqstanda franshiza boiynsha 4 jeke jáne 11 ashyq dúkeni bar. Ár maýsymda 9-10 kollektsiia nemese 450 biregei model shyǵarady.
Disney litsenziialyq kiimi Mimioriki brendiniń barlyq firmalyq dúkenderinde, brendtiń seriktes dúkenderinde, mamandandyrylǵan balalar bólshek saýdasy men onlain market-pleistarda saýdaǵa qoiylady.
