وتاندىق بالالار كيٸمٸنٸڭ Mimioriki برەندٸ جەنە رەسەي مەن تمد ەلدەرٸندەگٸ Disney كومپانيياسى بالالارعا ارنالعان كيٸم-كەشەكتٸڭ جاڭا توپتاماسىنىڭ ساتىلىمىنا مٷمكٸندٸك بەرەتٸن ليتسەنزييالىق كەلٸسٸمگە قول قويدى. بۇل قازاقستاننىڭ جەڭٸل ٶنەركەسٸبٸ ٷشٸن ايرىقشا جاڭالىق بولىپ وتىر, دەپ حابارلايدى قر ييدم باسپاسٶز قىزمەتٸ.
Disney كومپانيياسى رەسەي نارىعىنداعى №1 ليتسەنزيات بولا وتىرىپ, ٸرٸ حالىقارالىق كومپانييالارمەن, رەسەيلٸك ٶندٸرۋشٸلەرمەن جەنە ديستريبيۋتورلارمەن بەلسەندٸ تٷردە سەرٸكتەسە جۇمىس جٷرگٸزەدٸ. قازٸرگٸ تاڭدا كومپانييانىڭ 300-گە تارتا سەرٸكتەس-ليتسەنزياتى بار. ولاردىڭ قاتارىندا نارىقتا مويىندالعان كٶشباسشىلار دا, جاڭادان ٶركەندەپ كەلە جاتقان جاس كومپانييالار دا جەتكٸلٸكتٸ. وتاندىق Mimioriki برەندٸ – رەسەي مەن تمد ەلدەرٸندەگٸ Disney كومپانيياسىنىڭ ەڭ العاشقى ليتسەنزياتى.
كەلٸسٸم شارتىنا سەيكەس, قازاقستاندىق برەند كيٸم-كەشەك ديزاينىندا «مۇزدى ٶلكە», «ارىستان پاتشا», «اڭدار پوليسٸ» سەكٸلدٸ Disney فيلمدەرٸنٸڭ كٶپشٸلٸك سٷيەتٸن كەيٸپكەرلەرٸنٸڭ, Disney-دٸڭ ميككي ماۋس جەنە ۆينني قونجىق سەكٸلدٸ كلاسسيكالىق كەيٸپكەرلەرٸنٸڭ, سونىمەن قاتار MARVEL كينوەلەمٸندەگٸ ٶرمەكشٸ-ادام, تەمٸر ادام, حالك پەن كاپيتان امەريكانىڭ, «جۇلدىزدى شايقاستار» داستانىنداعى كەيٸپكەرلەردٸڭ سۋرەتتەرٸن پايدالانا الادى. Mimioriki ليتسەنزييالىق جەلٸسٸندە فۋتبولكالار, جەمپٸرلەر, سۆيتشوتتار, شالبارلار, كٶيلەكتەر جەنە تاعى باسقا كٶپتەگەن زاتتار بار.
«Mimioriki سەكٸلدٸ نارىقتىڭ ٸرٸ ويىنشىسىمەن سەرٸكتەستٸك قازاقستان تۇتىنۋشىلارىنا جەتۋ جولىندا رەسەي مەن تمد-داعى Disney كومپانيياسى ٷشٸن ماڭىزدى كەزەڭ بولىپ وتىر. ەل ٸشٸنەن ورىن تاپقان بەيٸلدٸ اۋديتوريياسى مەن تولىققاندى ٶزٸندٸك ٶندٸرٸستٸك تسيكلٸ بار ايرىقشا برەند تۇتىنۋشىلاردىڭ تالاپ-تٸلەگٸنە ساي كەلەرٸ سٶزسٸز. بٸز بالالار مەن ولاردىڭ اتا-انالارىن قۋانتاتىن Mimioriki برەندٸمەن بٸرگە جاڭا كوللەكتسييالاردى قۇرۋ مٷمكٸندٸگٸنٸڭ پايدا بولعانىنا قۋانىشتىمىز», - دەيدٸ رەسەي مەن تمد-داعى Disney كومپانيياسىنىڭ ليتسەنزييالاۋ جەنە بٶلشەك ساۋدامەن جۇمىس دەپارتامەنتٸنٸڭ ديرەكتورى سەرگەي پيچۋگين.
Mimioriki كومپانيياسى The Walt Disney Company ارنايى ەزٸرلەگەن حالىقارالىق ILS ەڭبەك ستاندارتىنىڭ سەيكەستٸگٸ بويىنشا ەلەۋمەتتٸك اۋديتتەن سەتتٸ ٶتتٸ. بۇل پروتسەدۋرا كەلٸسٸمگە قول قويۋدا مٸندەتتٸ بولىپ سانالادى.
«بۇل بٸز ٷشٸن زور ماقتانىش ەرٸ اۋقىمدى سىن بولماق! بٸر جاعىنان Disney-دٸڭ جاھاندىق ٷلكەن تاريحىندا ٸزٸمٸز بولاتىنىنا, سٷيٸكتٸ كەيٸپكەرلەر سۋرەتتەلگەن جەنە بٸزدٸڭ اۋديتوريياعا قازاق جەنە ورىس تٸلٸندەگٸ ۇرانسٶزدەر جازىلعان كيٸم-كەشەكپەن بالالارعا شاتتىق سىيلايتىنىمىزعا قۋانىشتىمىز. ەكٸنشٸ جاعىنان بۇل قادام بٸزدٸڭ كومپانييانىڭ ەر مامانى ٷشٸن وراسان زور ٶسٸم بولارى داۋسىز. سەبەبٸ Disney ستاندارتتارىنىڭ تالابى تىم جوعارى», - دەدٸ Mimioriki كومپانيياسىنىڭ باس ديرەكتورى يننا اپەنكو.
كەلٸسٸمگە كەلە وتىرىپ Mimioriki بالالار كيٸم-كەشەگٸ ٶندٸرٸسٸن 30% ارتتىرىپ, Disney كەيٸپكەرلەرٸ سۋرەتتەلگەن 100 مىڭعا تارتا ٶنٸم شىعارۋدى كٶزدەيدٸ. Disney كلاسسيكاسىنداعى العاشقى كوللەكتسييالار – تەڭدەسسٸز ميككي مەن مينني 2020 جىلدىڭ 1 سەۋٸرٸندە ساتىلىمعا شىعادى. بٷكٸل جاڭا ٶنٸم قازاقستان اۋماعىندا ساتىلادى. قازٸرگٸ تاڭدا Mimioriki-دٸڭ قازاقستاندا فرانشيزا بويىنشا 4 جەكە جەنە 11 اشىق دٷكەنٸ بار. ەر ماۋسىمدا 9-10 كوللەكتسييا نەمەسە 450 بٸرەگەي مودەل شىعارادى.
Disney ليتسەنزييالىق كيٸمٸ Mimioriki برەندٸنٸڭ بارلىق فيرمالىق دٷكەندەرٸندە, برەندتٸڭ سەرٸكتەس دٷكەندەرٸندە, مامانداندىرىلعان بالالار بٶلشەك ساۋداسى مەن ونلاين ماركەت-پلەيستاردا ساۋداعا قويىلادى.
