«Iandeks.Mýzyka» striming qyzmeti 2020 jyldy qorytyndylap, túrli nominatsiialar boiynsha jeńimpazdardy jariialady. Qazaqstandyq mýzykant jáne mýzykalyq prodiýser Monaldin-niń (Madiiar Ońaldin) tanymal ánshi K-Maro-nyń «Femme Like U» ánine jasaǵan remiksi «Jyldyń úzdik elektrondy áni» atandy, dep habarlaidy "Ult aqparat".
Ánshi Emma Piterspen birge jasalǵan remiks álemdik mýzykalyq charttarda ozyp shyǵyp, biylǵy jazdyń hitine ainaldy. Trek álemniń Shazam qosymshalarynda, jiyrma elde birinshi orynǵa shyqty jáne mýzykalyq platformalarda milliondaǵan adam tyńdaǵan.
Óziniń Instagram paraqshasynda mýzykant jankúierlerge qoldaý kórsetkeni úshin rahmet aitty.
