«Qazaqstan temir joly» ulttyq kompaniiasy Ýkrainadan qazaqstandyq kememen astyq tasymaldaǵany týraly aqparatqa pikir bildirdi, - dep habarlaidy "Ult aqparat".
Kompaniia málimetinshe, «QTJ» UK» AQ sanktsiialyq shekteýlerdi qatań saqtaýdy mindetine alady.
"30 maýsymda birqatar basylymda qazaqstandyq «Jibek joly» kemesimen Berdiansk teńiz saýda porty arqyly Ýkrainadan astyq eksporttalatyny týraly aqparat jariialandy. «KTZ Express» AQ 2021 jylǵy 26 qazanda «KTZ Express Shipping» JShS reseilik Green Line LLC kompaniiasymen berboýt-charter shartyn jasasqanyn túsindiredi, onyń ishinde mynadai sharttar bar:
- dedveiti 7000 tonna «Jibek joly» kemesi úshinshi tulǵalarǵa berý quqyǵynsyz berildi (2016 jyly Nevskii keme jasaý jáne jóndeý zaýytynan satyp alyndy);
- 2022 jyldyń 30 qarashasyna deiin jaramdy;
- halyqaralyq tájiribege sáikes sanktsiialyq tarmaq bar: Green Line jaýapkershiligi shekteýli seriktestigi kelisimshart jasasqan kúni jáne áreket etý merzimi ishinde olarǵa eshqandai sanktsiialar qoldanylmaityndyǵyna kepildik beredi. Áitpese, keme iesi kelisimsharttardy dereý buzýǵa quqyly", - delingen habarlamada.
Green-Line JShS jáne onyń basshylyǵy - A.V. Shepin, M.V. Tihomirova - AQSh, EO, Ulybritaniia jáne Kanadanyń sanktsiialyq tizimine enbegen.
"Tájiribege jáne jasalǵan sharttarǵa sáikes jalǵa alýshy júktiń túri men ony tasymaldaý baǵyttary boiynsha keme iesimen kelispeidi. Green-Line jaýapkershiligi shekteýli seriktestigi 1999 jyldan beri astyq jáne munai treideri retindegi estoniialyq Mangelbert OU kompaniiasymen Ýkrainadan Túrkiiaǵa astyq tasymaldaý qyzmetin kórsetýge uzaqmerzimdi kelisimshartqa otyrdy.
Mangelbert OU basshysynyń aitýynsha, 2022 jyldyń 28 maýsymynda «Jibek joly» kemesi Berdiansk teńiz saýda portynda (6 927,8 tonna) bidai tiep, porttan Túrkiianyń Qarasý porty baǵytynda shyqty (boljaldy ýaqyt boiynsha kemeniń kelýi 2022 jyldyń 1 shildesi). Sonymen qatar, astyqtyń ýkraindyq ekeni, al tasymaldaý ýkrainalyq taraptyń ótinishi boiynsha kelisilgen gýmanitarlyq dáliz boiynsha júzege asyrylatynyna senimdi", - delingen QTJ-nyń baspasóz qyzmeti taratqan aqparatta.
Bul rette «KTZ Express» AQ osy tasymaldaýǵa qatysýshylarmen, sonymen birge diplomatiialyq missiia ókilderimen belsendi konsýltatsiialar júrgizetini aitylǵan.
