30 qańtarda sharshy alańǵa oralatyn birinshi orta salmaqta qazaqstandyq boksshy Sadriddin Ahmedov (11-0, 10 KO) jekpe-jek aldyndaǵy jattyǵýyn jalǵastyrýda, dep habarlaidy "Ult aqparat".
Kelesi jekpe-jeginde Sadriddin Ahmedov WBA Continental chempiony titýly úshin niderlandtyq Stiven Danomen (17-3-3, 6 KO) judyryqtasady. Jekpe-jek Meksikanyń Kýernavaka qalasynda ótedi.
Zalda jattyǵyp júrgen Sadriddin daiyndyq barysyn videoǵa túsirip, óziniń Instagram paraqshasynda jariialady.
«Aldaǵy aiqasqa daiyndyq qyzý júrýde!», - dep jazdy sportshy.
Aita keteiik, bul – Ahmedovtyń 2019 jylǵy jeltoqsannan bergi alǵashqy jekpe-jegi bolmaq. Bir jyl buryn Sadriddin argentinalyq Hose Antonio Vilialobosty (13-6-2, 8 KO) nokaýtpen jeńgen bolatyn.
