Iliias Toqtarhan Indoneziiadaǵy bilim jarysynda gran-pri jeńip aldy, dep habarlaidy "Ult aqparat" ShQO ishki saiasat basqarmasyna silteme jasap.
UCMAS Halyqaralyq akademiiasy jyl saiyn búkilálemdik aýqymda bilim básekesin ótkizedi. Qazaqstannyń IýSIMAS komandasy halyqaralyq jarysqa jas bilimpazdardan quralǵan eki delegatsiia jiberdi.
49 baladan quralǵan birinshi delegatsiia UCMAS Akademiiasynyń mentaldy arifmetika boiynsha 10-11 jeltoqsanda Malaiziia astanasy Kýala-Lýmpýrdegi «Genting International Convention Centre» bazasynda ótken 22-shi Búkilálemdik jarysynda el namysyn qorǵady. Biyl oǵan 45 elden jinalǵan 3000-nan astam bala qatysty.
22 baladan quralǵan ekinshi komanda Indoneziianyń Bali aralyndaǵy «Gelanggang Olah Raga» bazasynda 9 jeltoqsan kúni ótken mentaldy arifmetikadan 18-shi Halyqaralyq jarysqa bardy. Biyl osy bilim básekesine Indoneziiadan 1000-ǵa jýyq bala jáne qazaqstandyq jas bilimpazdar qatysty.
Jarys qorytyndylary boiynsha Qazaqstan delegatsiiasy tamasha nátije kórsetip, túrli jas sanattary boiynsha 14 altyn jáne kóptegen kúmis, qola medaldardy ielendi. IýSIMAS Akademiiasy tarihynda ekinshi ret Qazaqstan halyqaralyq jarystyń gran-priin ielendi, jeńimpaz IýSIMAS Akademiiasynyń rektory, «kalkýliator bala» Iliias Toqtarhan boldy.
«Biz komandamen jumys isteý boiynsha tájiribe jinaqtadyq. Qazaqstan jalaýyn halyqaralyq arenada biikke kóterip, Qazaqstannyń Memlekettik ánurany oryndalǵanda, keýdemizdi sheksiz maqtan sezimi kernedi», - deidi 22-shi jáne 18-shi halyqaralyq jarystardyń jeńimpazdary.
