Qazaqstandyq ǵalymdar halyqaralyq ǵylymi derekter qoryna 19 myń ǵylymi maqala jariialaǵan. Bul týraly elordada ótken II Science Forum: Reseafch Impact atty ǵylymi forýmda QR Parlamenti Senatynyń depýtaty Baqytjan Jumaǵulov aitty, dep habarlaidy QazAqparat.
«2011 jyly elimizde 411 ǵylymi maqala jariialanǵanyn anyq bilemin. Ol kezde halyqaralyq basylymdar qoljetimsiz edi. Sol kezde QR Bilim jáne ǵylym ministri Elsevier aqparattyq-saraptamalyq portalyna ulttyq retsenziiaǵa qol qoidy. Sodan bastap stýdentter men ǵalymdarǵa halyqaralyq aqparattyq agenttigine jol ashyldy», - deidi QR Parlament senatynyń depýtaty Baqytjan Jumaǵulov.
Onyń aitýynsha, Elsevier bazasynyń ishine 20 myńnan astam ǵylymi jýrnal, 50 mln ǵylymi maqala men referat kiretinin aitty.
«QR Tuńǵysh Prezidentiniń tapsyrmasymen jas ǵalymdarǵa 3 mlrd teńge bólingen. Ǵylymi maqalalardyń jariialanýyna barynsha qoldaý kórsetilýde. Búgingi tańda elimizdegi ǵalymdar 19 myń ǵylymi maqala jariialanǵan. Elsevier 2013 jyly jumysyn 2-3 jylǵa toqtatyp, 2017 jyly jumysyn qaita jalǵastyrǵan bolatyn. Bul úzilis bolmaǵan kezde ǵylymi maqalalar tipten kóp bolar edi. Qazaqstanda ár stýdent, ár magistrant, ár Ph.D doktory, professor, dotsent ǵylymi maqalasyn jariialai alýy úshin barlyq jaǵdai jasalǵan. Memleket bul úshin arnaiy qarajat bólip otyr», - deidi senator.
Eske sala ketsek, buǵan deiin elordada túrli saladaǵy ǵalymdar marapattalǵany týraly jazǵan bolatynbyz.
