Video kadry
Laýazymdyq ókilettikterdi teris paidalaný jáne qyzmettik jalǵandyq jasady degen kúdikke ilingen qazaqstandyq Ispaniiadan ekstraditsiialandy, - dep habarlaidy Bas prokýratýra.
Bas prokýratýranyń málimetinshe, er adam 2020 jyly keden organdarynyń qyzmetkeri bola tura aqparattyq bazaǵa jalǵan derekter engizgen. Sonyń nátijesinde segiz avtokóliktiń ielerin biýdjetke tólenýge tiis kedendik bajdardy zańsyz tóleýden bosatqan. Keltirilgen shyǵynnyń jalpy somasy 45 million teńgeden asady.
"Kúdikti úsh jyldan asa ýaqyt boiy qylmystyq qýdalaý organdarynan boi tasalap, halyqaralyq izdeýde júrgen. Keiin Ispaniiada ustaldy. Qazir kúdikti Astana qalasynyń tergeý izoliatoryna qamaldy", - dep habarlady vedomstvo.
Kúdiktige taǵylǵan qylmystar úshin múlkin tárkileýmen qatar, belgili bir laýazymdardy atqarý nemese belgili bir qyzmetpen ainalysý quqyǵynan ómir boiyna aiyra otyryp, jeti jylǵa deiin bas bostandyǵynan aiyrý jazasy kózdelgen.
