Halyqaralyq dziýdo federatsiiasy (IJF) Býdapeshtte (Vengriia) aiaqtalǵan «Úlken dýlyǵa» týrnir qorytyndysy boiynsha jasalǵan álem dziýdoshylarynyń jańa reitingin jariialady. Jarysqa álemniń 69 elinen 459 sportshy qatysty, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Jarys qorytyndysy boiynsha Armiia ortalyq sport klýbynyń sportshysy efreitor Ǵusman Qyrǵyzbaev 60 kelige deiingi salmaq dárejesinde álemdik reitingtegi úzdik dziýdoshylardyń jetinshi satysynda tur. Onyń esebinde 4080 upai bar.
«Býdapeshttegi «Úlken dýlyǵa» jarysy – koronavirýs pandemiiasyna bailanysty uzaq úzilisten keiingi alǵashqy mańyzdy týrnir. Saiysqa qatysýshylar quramy óte myqty. Álemniń úzdik balýandary qatysty. Osyǵan qaramastan Ǵusman joǵary nátije kórsetti. Bizdi aldaǵy jarystarǵa qarqyndy daiyndyq kútip tur», – dep atap ótti Armiia ortalyq sport klýbynyń olimpiadalyq sport túrleri boiynsha shtattyq komandalardy daiarlaý bóliminiń bastyǵy maior Ánýar Úsenov.
Ǵusman Qyrǵyzbaev – QR Ulttyq quramasynyń múshesi, 2016 jyly Tsiýrihte (Shveitsariia) ótken CISM (Halyqaralyq áskeri sport keńesi) áskeri qyzmetshileri arasyndaǵy álem chempionatynyń jeńimpazy, 2018 jyly Agadirde (Marokko) ótken Gran-pri kezeńiniń jáne 2019 jyly Abý-Dabide (BAÁ) ótken «Úlken Dýlyǵa» (Grand-Slam) týrniriniń chempiony, halyqaralyq týrnirlerdiń birneshe dúrkin júldegeri.
