Mádina Paragýlgova Almatyda dziýdodan jasóspirimder arasynda ótip jatqan álem chempionatynda kúmis júldeger atandy, dep habarlaidy "Ult aqparat".
Qazaqstan dziýdo federatsiiasy málim etkenindei, M.Paragýlgova 70 keliden astam salmaqta tatamige shyqty.
Mádina alǵashqy qarsylasy kiprlik Zanet Mishaildoýdy qinalmai utyp, shirek finalǵa ótti. Sosyn qyrǵyzstandyq Sháhida Narmuhamedovany jeńdi.
Jartylai finalda frantsiialyq Liz Ngelbiiadan vazarimen alty sekýnd qalǵanǵa deiin utylyp jatyp, ipponmen jeńisti julyp alyp, qarsylasyn qapy qaldyrdy.
Finalda braziliialyq dziýdoshy, Panamerikanyń eki dúrkin chempiony Anna Sýdtosqa ese jibergen M.Paragýlgovanyń kúmis medali – úlken tabys.
Osylaisha Qazaqstan quramasy jekelei saiystardy 1 altyn, 1 kúmis, 4 qolamen támamdady.
Erteń – álem chempionatynyń sońǵy kúni. Quramalar aralas komandalyq jarysta synǵa túsedi.
Eske sala keteiik, budan buryn dziýdodan álem chempionatynda taǵy bir qazaqstandyqtyń qola júlde alǵanyn jazǵan bolatynbyz.
