Halyqaralyq boks uiymynyń (IBO) barlyq salmaq sanaty boiynsha jańartylǵan reitingti jariialandy, dep habarlaidy "Ult aqparat".
VKontakte áleýmettik jelisindegi «Qazaqstan kásipqoi boksy» akkaýntynyń málimetine súiensek, Ivan Dychko 55-ten 75-shi orynǵa syrǵyp ketken. Bul sanatta IBO Inter-Continental chempiony – Jan Kosobýtskii. Al birinshi aýyr salmaqtaǵy Áli Baloev 82-den 85-shi pozitsiiaǵa túsken. Edil Qojamberdiev 92-den 94-shi satyda turaqtaǵan.
Ekinshi orta salmaq divizionyndaǵy Aidos Erbosynuly 29-shy orynnan 20-ǵa kóterilse, Nurzat Sabyrov pen Áli Ahmedov bir-bir orynǵa keiin syrǵyp, 33-shi jáne 34-shi oryndardan kórinip otyr.
Atalmysh reitingte Qanat Islam kórsetkishin jaqsartyp, 13-shi orynǵa taban tiredi. Al onyń salmaǵyndaǵy Meiirim Nursultanov 15-shi pozitsiiaǵa (+2) shyqsa, Jánibek Álimhanuly 27-shi oryndy saqtap qaldy. Bul salmaq dárejesinde kósh basynda – otandasymyz Gennadii Golovkin tur.
Birinshi orta salmaq divizionynda Sadriddin Ahmedov 28-shi orynnan 27-ge kóterilse, Madiiar Áshkeev tizimde 68-shi (+2) bolyp tur.
Jartylai orta salmaqtaǵy Nursultan Jańabaev 30-shy ornyn saqtap qaldy. Al Daniiar Eleýsinov bolsa, 70-ten 38-shi orynǵa bir-aq «sekirgen». Bul sanatta Bobyrjan Momynov – 77-shi.
Birinshi jartylai orta salmaqtaǵy Batyr Júkembaev úzdik on bes boksshynyń qatarynda qalyp, 11-shi orynǵa jaiǵasqan. Bul sanatta Jańqosh Turarov 46 (+1) orynnan kórindi.
Ótken joly 49-ynshy orynda turǵan jeńil salmaqtaǵy Viktor Kotochigov 37-ge turaqtasa, Abylaihan Qusaiynov 79-shy orynǵa syrǵydy.
Ekinshi ortasha jeńil salmaqta Sultan Zaýyrbek reitingte 81-shi bolyp tur. Al Stanislav Kalitskii bul sanatta úzdik 100 boksshynyń qatarynan shyǵyp qaldy.
Jeńil salmaqta Elshat Nyǵmetolla kórsetkishin ońaltyp, 65-shi orynnan 55-ke kóterildi.
