Búgin Iordaniianyń Amman qalasynda bokstan Tokio Olimpiadasyna irikteý týrniriniń sońǵy jarys kúni ótýde. Qazaqstandyq Sáken Bibosynov erler arasynda segizinshi, jalpy boks boiynsha toǵyzynshy joldamany qorjynǵa saldy, dep habarlaidy Olympic.kz.
52 kelide judyryqtasqan Sáken shirek finalda jeńilis tapqan bolatyn. Irikteý básekesiniń erejesi boiynsha, bul salmaqta taǵy bir joldama sarapqa salyndy.
Bibosynov shirek finalda jeńilis tapqan Filippin ókili Karlo Paalammen qurlyqtyq týrnirdegi sońǵy joldamaǵa talasty.
Jekpe-jektiń úsh kezeńinde de tóreshiler jeńisti Sákenge berdi. Birinshi jáne úshinshi raýndta Bibosynov 4:1 esebimen alǵa shyqsa, ekinshi ainalymda 3:2 esebimen basym tústi.
Osylaisha, Ǵalymbek Kenjebaev jattyqtyratyn bokstan Qazaqstan komandasy Tokio Olimpiadasynyń múmkin bolǵanyn segiz joldamasyn da jeńip aldy.
