بٷگٸن يوردانييانىڭ اممان قالاسىندا بوكستان توكيو وليمپياداسىنا ٸرٸكتەۋ تۋرنيرٸنٸڭ سوڭعى جارىس كٷنٸ ٶتۋدە. قازاقستاندىق سەكەن بيبوسىنوۆ ەرلەر اراسىندا سەگٸزٸنشٸ, جالپى بوكس بويىنشا توعىزىنشى جولدامانى قورجىنعا سالدى, دەپ حابارلايدى Olympic.kz.
52 كەلٸدە جۇدىرىقتاسقان سەكەن شيرەك فينالدا جەڭٸلٸس تاپقان بولاتىن. ٸرٸكتەۋ بەسەكەسٸنٸڭ ەرەجەسٸ بويىنشا, بۇل سالماقتا تاعى بٸر جولداما ساراپقا سالىندى.
بيبوسىنوۆ شيرەك فينالدا جەڭٸلٸس تاپقان فيليپپين ٶكٸلٸ كارلو پاالاممەن قۇرلىقتىق تۋرنيردەگٸ سوڭعى جولداماعا تالاستى.
جەكپە-جەكتٸڭ ٷش كەزەڭٸندە دە تٶرەشٸلەر جەڭٸستٸ سەكەنگە بەردٸ. بٸرٸنشٸ جەنە ٷشٸنشٸ راۋندتا بيبوسىنوۆ 4:1 ەسەبٸمەن العا شىقسا, ەكٸنشٸ اينالىمدا 3:2 ەسەبٸمەن باسىم تٷستٸ.
وسىلايشا, عالىمبەك كەنجەباەۆ جاتتىقتىراتىن بوكستان قازاقستان كومانداسى توكيو وليمپياداسىنىڭ مٷمكٸن بولعانىن سەگٸز جولداماسىن دا جەڭٸپ الدى.
