Foto: kp.kz
Qorǵanys ministriniń orynbasary Sultan Qamalitdenov Qazaqstan bitimgerleri Ýkrainaǵa jiberilmeitinin málimdedi, dep habarlaidy Sputnik Qazaqstan.
Búgin Májilis UQShU kúshteri men qurylymdaryna qatysty birneshe zańdy qabyldady. Brifingte jýrnalister Qorǵanys ministriniń orynbasarynan qazaqstandyq bitimgerlerdi Ýkrainaǵa jiberý qaýpi týraly surady.
“Ondai qaýip-qaterler joq. Árbir memleket erikti túrde qatysady. Ol - bir. Ekinshiden, áskeri kontingentti bir jerge jiberý máselesin Parlament maquldaidy. Parlament maquldasa ǵana. Biz Parlament úshin jaýap bere almaimyz, tek Qorǵanys ministrligi quzyretti suraqtarǵa jaýap beremiz", - dep atap kórsetti Qamaletdinov.
Aita keteri, búgin Májilis eki zańdy qabyldady. Birinshisi - “Ujymdyq qaýipsizdik týraly shart uiymyna múshe memleketterdiń aýmaǵynda ujymdyq qaýipsizdik júiesiniń kúshteri men quraldary quralymdarynyń ýaqytsha bolýyna bailanysty ister boiynsha quqyqtyq kómek kórsetý jáne iýrisdiktsiia máseleleri jónindegi kelisimdi ratifikatsiialaý týraly” zańynyń jobasy.
Ekinshisi - “Ujymdyq qaýipsizdik týraly shart uiymynyń áskerlerin (Ujymdyq kúshterin) birlesken materialdyq-tehnikalyq jáne meditsinalyq qamtamasyz etý týraly kelisimdi ratifikatsiialaý týraly” zańynyń jobasy.
