Qazaqstandyq bishi Ámir Zákirov Polshada ótken chempionattyń finalyna shyǵyp, álemniń úzdik 16 breik-danseriniń qataryna endi, - dep habarlaidy Tengrinews.kz tilshisi.
Álem chempionaty álemniń túkpir-túkpirinen úzdik bishilerdiń basyn qosty. Ámir Zákirovtyń finaldyq qoiylymy 6 qarashada ótedi. Kóptegen sarapshylar qazaqstandyq jeńiske jetedi dep boljap otyr.
Qyzdar arasynda Qazaqstandy Saiora qorǵady, biraq ol irikteý kezeńinen óte almady.
Red Bull BC One - álemdegi eń iri jarys. Oǵan jyl saiyn álemniń túkpir-túkpirinen myńnan astam bishi qatysady. Qazaqstan men TMD elderinen birinshi bolyp ataqty Nikolai Chernikov pen Killa Kolia osy jarystardyń finalisi atandy.
Ámir Zákirovke keletin bolsaq, 2021 jyldyń qyrkúieginde ol Belgiiada ótken JBL Unbreakable iri halyqaralyq breik-dans týrniriniń jeńimpazy atanǵanyn aita ketken jón. Finalda ol belgiialyq Maiti Djimmmen baq synasty.
Sondai-aq, Ámir TNT arnasyndaǵy "Tantsy" shoýynyń 3-maýsymynyń qatysýshysy, Qazaqstan chempiony jáne breikten respýblika quramasynyń múshesi. Ol kóptegen Resei jáne Eýropa chempionattarynyń jeńimpazy jáne júldegeri.
Aita keteiik, breik-dans 2024 jyly Parijde ótetin Olimpiada oiyndarynyń baǵdarlamasyna engizilgen bolatyn.
