QR Indýstriia jáne infraqurylymdyq damý ministrliginiń keńeitilgen alqa májilisinde azamattyq aviatsiianyń 2020 jylǵa arnalǵan mindetteri sóz boldy, dep habarlaidy QazAqparat.
«Memleket basshysynyń tapsyrmasymen birinshi jartyjyldyqta turaqty jolaýshy tasymalymen ainalysatyn barlyq aviakompaniialardy tekserý aiaqtalady. Jańa retteý modeline sáikes qaýipsizdikti arttyrý jumysy jalǵasýda. Sondai-aq, «Qazaqstan aviatsiia ákimshiligi» AQ-yn bilikti mamandarmen tolyqtyrý aiaqtalady jáne inspektorlar qajetti oqytýdan ótedi. Osy jyly AQSh-qa ushý úshin FAA (AQSh azamattyq aviatsiiasynyń federaldy basqarmasy) aýditinen ótýimiz kerek», - deidi QR Indýstriia jáne infraqurylymdyq damý vitse-ministri Berik Qamaliev.
Jalpy alǵanda, azamattyq aviatsiia salasynda negizgi kórsetkishterdiń dinamikasy turaqty ósim kórsetýde. 2019 jyldyń qorytyndysy boiynsha 8,6 mln jolaýshy tasymaldanǵan. Bul 2018 jyldyń sáikes kezeńimen salystyrǵanda 9% kóp.
QR áýejailarynda qyzmet kórsetilgen jolaýshylar sany - 17,7 mln.
