Qazaqstandyq áýe kompaniialar 2021 jyldyń birinshi jartyjyldyǵynda 4 mln-ǵa jýyq jolaýshyny tasymaldady, dep habarlaidy "Ult aqparat".
Indýstriia jáne infraqurylymdyq damý ministrliginiń málimetine sensek, biylǵy alty aida otandyq áýe kompaniialary 3 973 150 jolaýshyny tasymaldaǵan.
Onyń ishinde ishki jelilerde - 3 488 675 jáne halyqaralyq jelilerde - 484 475 jolaýshy bar.
Bir jyl buryn, COVID-19 pandemiiasyna bailanysty jolaýshylar aǵynynyń aitarlyqtai tómendegeni baiqaldy.
Osylaisha 2020 jyldyń 12 aiynda otandyq áýe kompaniialar 5 260 014 jolaýshyny tasymaldady, bul - 2019 jylmen salystyrǵanda 27% tómen.
Otandyq áýe kompaniialarynyń (Eir Astana, Scat, Qazaq Air jáne FlyArystan) boljamdary boiynsha aǵymdaǵy jyldyń sońyna qarai jolaýshylar aǵynynyń jalpy sany 9 093 022-ge deiin ósýi tiis.
Onyń ishinde 2021 jyly «Eir Astana» AQ áýe kompaniiasy - 3 482 790 jolaýshy, «Scat» AQ áýe kompaniiasy - 1 569 410 jolaýshy, «Qazaq Air» AQ áýe kompaniiasy - 575 996 jáne naryqqa jaqynda kirgen «FlyArystan» áýe kompaniiasy 3 464 826 jolaýshy tasymaldaidy dep josparlanyp otyr.
Osylaisha, biyl jolaýshylar aǵynynyń sany 2019 jylǵy kórsetkishten (7 227 127 jolaýshy) asady dep kútilýde.
Jekelegen áýe kompaniialarda, atap aitqanda «FlyArystan» ótken aýyr jylǵa qaramastan, qyzmet kórsetilgen jolaýshylar sany boiynsha jyl saiynǵy ósimdi kórsetedi (2019 jyly - 700 233, 2020 jyly – 1 467 261 jáne 2021 jyldyń birinshi jartyjyldyǵynda – 1 379 400).
