Álemniń birneshe dúrkin rekordshysy qazaqstandyq Sergei Tsyrýlnikov óziniń qara kúshimen kezekti ret otandastaryn tánti etti, dep habarlaidy "Ult aqparat".
Bul joly alyp kúsh iesi salmaǵy 24 tonna bolatyn traktordy birneshe metrge súiredi. Bul TMD-daǵy eń úlken traktorlardyń biri. Salystyrmaly túrde aitsaq, «Kirovets» traktorynyń salmaǵy shamamen 14 tonnany quraidy. Al otandasymyz súiregen traktor odan 10 tonnaǵa aýyr. Kúsh nómiri Soltústik Qazaqstan oblysynyń Nikolaevka aýylynda ótti.
Eske sala keteiik, Tsyrýlnikovtyń Qazaqstandaǵy Ginnestiń rekordtar kitabyna engen sońǵy rekordy kalibrlengen taǵany jyldamdyqqa iiý bolatyn.
