Tanymal zańger Jangeldi Súleimanov reseilik telejúrgizýshi Tigran Keosaiandy Qazaqstanǵa qatysty málimdemesi úshin sotqa bermek, - dep habarlaidy Massaget.kz.
"Bizdiń Zańǵa sáikes Keosaiandy sotqa bere alamyn. Shaǵym túsirý týraly oilanamyn. Sot shaǵymymdy qabyldaidy dep úmittenemin", - dedi Súleimanov Facebook-te.
Jeli qoldanýshylary advokatty qoldap túrli pikir jazdy.
"Búkil Qazaqstan seni qoldaidy", "Nege ekeni belgisiz, jeńetinine senimdimin", "Sáttilik tileimin. Tek sen olardy óz ornyna qoia alasyń. Tigran men onyń áieli Margarita kez kelgen ultty syilaýdy úirenedi dep senemin! Al qalǵandaryna bul sabaq bolar edi", "Osy oqiǵadan keiin Qazaqstan Respýblikasynyń buqaralyq aqparat quraldarynda Keosaian týraly kez kelgen aqparatty taratýǵa tyiym salý kerek", - dep jazady Jeli qoldanýshylary.
Eske salaiyq, buǵan deiin reseilik telejúrgizýshi Qazaqstan Syrtqy ister ministrliginiń onyń Qazaqstanǵa kirýine tyiym salý týraly sheshimin keleke etken bolatyn. Sondai-aq, ol bul tyiymǵa qaramastan jáne biliktiń ruqsatynsyz elimizge keletinin málimdedi. Syrtqy ister ministrligi ony Keosaiannyń balaǵat sózderinen keiin engizgeni esimizde. Ol qazaqstandyqtardy Ýkrainadaǵy jaǵdaiǵa qatysty negizsiz aiyptaǵan bolatyn.
