Qazaqstan halqy Assambleiasynyń XXIX sessiiasynda QR Tuńǵysh Prezidenti, QHA Tóraǵasy Nursultan Nazarbaev álem elderiniń Qazaqstanǵa qatysty senimi týraly pikir bildirdi, dep habarlaidy QazAqparat.
«Bizdi iadrolyq qarýǵa qarsy kúreste kóshbasshy el dep sanaidy. Atap aitqanda, basqa eldermen birlese otyryp integratsiialyq jobalarǵa bastamashylyq etip, júzege asyrdyq. Iaǵni EAEO, AÓSShK, Túrkitildes memleketterdiń yntymaqtastyq keńesi, Álemdik jáne dástúrli dinder kóshbasshylarynyń sezi sekildi jobalar qamtyldy. Bul birlestikter meniń qatysýymmen ári usynystarym arqyly quryldy. Osy oraida maǵan qoldaý bildirgen áriptesterime alǵysymdy bildiremin», - dedi Elbasy.
N. Nazarbaevtyń aitýynsha, atalǵan jobalar halyqtardyń igiligi úshin qyzmet etip keledi.
«Kópvektorly syrtqy saiasat bizdi yntymaqtastyq pen álemdegi beibitshilikti qamtamasyz etýge baǵyttalǵan beibitshil ult retinde kórsetti. Bizge álem elderi senimmen qaraidy, sondai-aq bizdi memleketter arasyndaǵy qaqtyǵystar men kelispeýshilikter kezinde tabystyrýshy, bitimger bolýǵa shaqyrady. Qazaqstan men bizdiń elordamyz senimgerliktiń alańyna ainaldy, bul jerde osyndai mańyzdy kelissózder ótip keledi», - dedi Tuńǵysh Prezident.
