Qazaqstanda jumysqa qaraǵanda, jumysshylardy kóbirek izdeidi. Jumysqa alý týraly 100 usynysqa bar-joǵy 69 túiindeme keledi, dep habarlaidy Finprom.kz.
Suranysqa eń kóp ie mamandyqtar – kúzetshi, kólik júrgizýshisi jáne medbike. Osy jyldyń ekinshi toqsanynyń sońynda jumyssyz turǵyndar sany 0,1%, iaǵni 441,8 myń adamǵa ósti. Sonymen qatar, jumyssyzdar sany ekonomikalyq belsendi turǵyndardyń 1,4% ósýi esebinen bir jyl ishinde 4,9%-dan 4,8%-ǵa qysqarǵan.
Aimaqtar boiynsha alyp qaraǵanda eń kóp jumyssyz halyq tyǵyz ornalasqan Almatyda tirkelgen, olardyń sany – 50,3 myń adam. Sondai-aq, jumyssyz turǵyndary eń kóp úsh aimaqqa Almaty (48 myń adam) men Túrkistan oblystary (42,2 myń adam) kiredi.
Barlyq aimaqtar ishinde Túrkistan oblysy, Almaty, Shymkent jáne Atyraý oblysy jumyssyzdyq deńgeii boiynsha ortasha respýblikalyq deńgeiden joǵary.
Búgingi tańda kóbi jumysty arnaiy saittar men mobildi qosymshalar arqyly izdeidi. Aǵymdaǵy jyldyń úshinshi toqsanynda elektrondyq eńbek birjasynda 169,9 myń bos jumys orny jariialandy, al túiindemeler sany bar bolǵany 116,9 myń boldy. 100 bos orynǵa shaqqanda 69 túiindeme bar. Bul – elde kadr tapshylyǵy baryn bildiredi.
Elektrondyq eńbek birjasyndaǵy eń kóp suranysqa ie mamandyqtar – kúzetshi (5,4 myń bos jumys orny), kólik júrgizýshisi (4,2 myń bos jumys orny), meiirbike (4 myń bos jumys orny), tárbieshi (3,9 myń bos jumys orny) jáne bastaýysh synyp muǵalimi (3,6 myń bos jumys orny).
2019 jyldyń ekinshi toqsanynyń sońynda jumyspen qamtylǵandardyń sany 8,8 mln adamdy qurady, bul ótken jyldyń sáikes kezeńimen (8,6 mln adam) salystyrǵanda 1,5% kóp. 15 jáne odan joǵary jastaǵy halyqty jumyspen qamtý deńgeii 66,7% qurady.
