Aldaǵy eki jylda Qazaqstandaǵy joldardyń 6 myń shaqyrymy aqyly bolady, dep habarlaidy "Ult aqparat" QR Indýstriia jáne infraqurylymdyq damý ministrliginiń baspasóz qyzmetine silteme jasap.
«Joldardy aqyly etýge baǵyttalǵan joba 2 kezeńde engiziledi dep josparlanýda. Alǵashqy kezeńde, iaǵni 2020 jáne 2021 jyldardyń aralyǵynda avtomobil joldarynyń 6 myńǵa jýyq shaqyrymy aqyly bolady», delingen habarlamada.
Bul – «Batys Eýropa – Batys Qytai» halyqaralyq tranzittik dáliziniń, Nur-Sultan – Qostanai – RF shekarasy, Shýchinsk – Petropavl, Nur-Sultan – Pavlodar, Qalbataý – Pavlodar – RF shekarasy (Ombyǵa), Taskesken – Baqty, Qapshaǵai – Taldyqorǵan, Atyraý – Oral, Atyraý – Dossor – Beineý – Aqjigit - Ózbekstan Respýblikasynyń shekarasy jáne Aqtaý – Beineý joldarynyń ýchaskeleri.
2022 jáne 2023 jyldar aralyǵynda avtomobil joldarynyń qalǵan 5 myń shaqyrymyn aqyly etýdiń ekinshi kezeńin júzege asyrý kózdelgen.
