Shomylý maýsymy bastalǵannan beri kásipkerler el aýmaǵynda 33 jańa jaǵajai ashqan, habarlaidy QazAqparat.
Ortalyq kommýnikatsiialar qyzmetinde ótken brifingide Tótenshe jaǵdailar ministrligi Azamattyq qorǵanys jáne áskeri bólimder komitetiniń tóraǵasy Baýyrjan Syzdyqov osyndai málimet keltirdi.
«25 shildedegi jaǵdai boiynsha el aýmaǵynda shomylýǵa ruqsat etilgen 515 oryn bar. Onyń 131-i kommýnaldyq, 303-i jeke jaǵajai.
Biyl ákimdikter qosymsha 43 kommýnaldyq jaǵajai ashsa, kásipkerler jabdyqtalǵan 33 jaǵajai ashyp otyr», - dedi komitet tóraǵasy.
Onyń aitýnysha, ministrlik sý aidyndaryndaǵy qaiǵyly jaittardyń sanyn azaitý úshin halyqtyń barlyq toptarymen profilaktikalyq, úgit-nasihat jumystaryn belsendi júrgizip otyr.
«BAQ ókilderiniń qatysýymen 258 brifing ótkizilip, radio jáne teledidar arqyly 4 107 úndeý, gazetter men jýrnaldarda 1 283 maqala jariialandy. Áleýmettik jeli men messendjerlerde sý aidyndaryndaǵy qaýipsizdik qaǵidalary boiynsha 150 beinerolik taratyldy.
Halyq arasynda 480 myńnan astam úgit-nasihat ónimi taratylyp, sý aidyndarynda 5 504 qaýipsizdik belgisi ornatyldy», - deidi Tótenshe jaǵdai vedomstvosynyń ókili.
Sondai-aq, ol shomylý maýsymy bastalǵannan beri áýejailarda 16 618 jáne temirjol vokzaldarynda 16 076 beinerolik kórsetildgenin atap ótti.
