Qoǵam belsendisi Bolat Jumataev mitingi men jiylystarǵa arnalǵan barlyq ótinishti bir tizilimge tirkeýdi usyndy, dep habarlaidy QazAqparat.
Almatyda QR Aqparat jáne qoǵamdyq damý ministri Dáýren Abaev «QR beibit kezdesýlerdi uiymdastyrý jáne ótkizý tártibi týraly» zań jobasyn talqylady.
Talqylaý barysynda sóz alǵan qoǵamdyq belsendi Bolat Jumataev jańa zań jobasynda ministrlik tarapynan eshqandai keri bailanys joq ekenin atap ótti.
«Biz miting ótkizgimiz keledi, ótinish berdik. Ony jalpy tizilimde kórsetý kerek. Men belgili bir is-sharalardy ótkizýge arnalǵan jalpy ótinishterdi kez-kelgen qazaqstandyq kóre alsa deimin. Onyń qoljetimdi bolǵanyn qalaimyn», - dedi zań jobasynyń tujyrymdamasyn talqylaý barysynda «Halqy adal qyzmet» qoǵamdyq qorynyń ókili.
Onyń pikirinshe, barlyq ótinishter tizilimde tirkelýi kerek, sondai-aq barlyq tyiym salyǵan sharany adamdar kórýi qajet.
Sonymen qatar, ol «Habar», «Qazaqstan» jáne basqa da memlekettik BAQ-da mindetti túrde kórsetýin usyndy.
«Olar biýdjetten aqsha alady, sondyqtan elde bolyp jatqan qoǵamdyq belsendilikti kórsetýi kerek. Zań jobasynda memlekettik buqaralyq aqparat quraldarynyń joǵaryda atalǵan oqiǵalardy kórsetýge berilgen ýaqyttyn da belgileý qajet», - deidi Bolat Jumataev.
Sondai– aq, ol mitingilerdegi quqyq qorǵaý organdary men uiymdastyrýshylardyń jumysyna da toqtaldy.
«Ishki ister ministrliginiń jumysyna toqtalǵym keledi. Ózderińiz bilesizder, mundai sharalarǵa ártúrli adamdar jinalady. Sondyqtan sharany uiymdastyrýshylar men ishki ister ministrligi arasynda tikelei bailanys bolýy kerek. Sonda politsiia uiymdastyrýshylardyń ótinishi boiynsha jáne kórsetken adamdardy alyp ketedi, osylaisha túrli arandatýshylyqtardyń aldyn alýǵa bolady», - deidi qoǵamdyq belsendi.
Buǵan deiin, belsendi Qazaqstanda onlain mitingi ótkizýdi usynǵan bolatyn.
