Qazaqstandaǵy Qytaidyń týrizm jyly aiaqtalýyna qarsy Almatyda «Qazaqstannyń Uly Jibek Joly boiynsha saiahat» halyqaralyq festivali óz jumysyn bastady. Festivalǵa resmi ókilder, sondai-aq eki eldiń týristik biznes ókilderi qatysýda. QHR resmi delegatsiiasyn Bas Týrizm basqarmasynyń ministr orynbasary Do Dzian bastap keldi. Bul týraly Mádeniet jáne sport ministrliginiń baspasóz qyzmeti habarlady.
Festival Mádeniet jáne sport ministrligi, Almaty, Almaty oblysy jáne Ońtústik Qazaqstan oblysy ákimdikteriniń, sondai-aq Air Astana áýekompaniiasynyń, Qazjol meiramhanasynyń, Skyway jáne Explore Central Asia týristik operatorlarynyń qoldaýymen ótýde.
Festival aiasynda barlyq qatysýshylar Almaty qalasynyń týristik nysandaryn aralap, halyq qolóner sheberleriniń sheberlik synyptaryna qatysyp, QHR týristik operatorlarymen V2V kezdesýlerin ótkize alady.
2017 jyldyń 11 qarashasynda Almaty Halyqaralyq festival estafetasyn Taraz qalasyna beredi. Tarazda eki eldiń resmi ókilderiniń qatysýymen resmi forým ótedi. 15 qarasha kúni «Qazaqstannyń Uly Jibek Joly boiynsha saiahat» halyqaralyq festival qonaqtary men qatysýshylaryn Shymkent qalasy qarsy alady.
Qazaqstandaǵy Qytaidyń týrizm jylynyń saltanatty jabylý rásimi 2017 jyldyń 17 qarasha kúni Astanadaǵy «Beibitshilik jáne Kelisim» saraiynda ótedi. Is-sharaǵa eki eldiń myńnan asa resmi ókilderi men biznes ókilderi qatysady. Jabylý saltanatynda Qytai tarapy qytailyq klassikalyq ónerdiń úlgisi «Jibek joly gúlmen kómkerilgen» baletin usynady. Qoiylym qytailyq, parsylyq, úndilik jáne túrik stilderi qosylǵan Gansý provintsiiasyndaǵy eskertkishterde beinelengen tarihi sátterge negizdelgen.
Esterińizge sala ketsek, memleket basshysy N.Á. Nazarbaev jáne QHR tóraǵasy Si Tszinpin Qazaqstan men Qytai arasyndaǵy strategiialyq áriptestikti damytý týraly ortaq deklaratsiiaiada 2017 jyldy Qazaqstandaǵy Qytaidyń týrizm jyly dep jariialaǵan bolatyn.
