Qazaqstandaǵy eń tanymal mamandyqtar qataryna mektep muǵalimi jáne esepshi kirdi, dep habarlaidy Finprom.kz.
«Aǵymdaǵy jyldyń ekinshi toqsanynyń sońynda jumyspen qamtylǵan turǵyndar sany 1,5%-ǵa ósip, 8,8 mln adamǵa jetti. Ótken jyly bul 8,6 mln. adamdy kórsetken. 15 jastan joǵary halyqty jumyspen qamtý deńgeii 66,7% quraidy. Jumyspen qamtylǵandardyń basym bóligi jaldamaly jumysshylarǵa keledi, olardyń úlesi 76,1% nemese 6,7 mln. adam. Ózin-ózi jumyspen qamtyǵandardyń úlesi 23,9% nemese 2,1 mln adam», - delingen habarlamada.
2019 jyldyń ekinshi toqsanynyń sońynda jaldamaly jumysshylar sany 6,7 mln. adamǵa jetti. Bul ótken jyldyń sáikes kezeńimen salystyrǵanda 1,5% kóp.
Jumyspen qamtylǵan halyqtyń kóbi bilim berý salasynda jumys isteidi. 16,1% nemese 1,1 mln. adam. Sonymen qatar, suranysqa ie qyzmetterdiń alǵashqy úshtigine ónerkásip (15,7% nemese 1 mln adam), kóterme jáne bólshek saýda kirdi; avtomobilder men mototsiklderdi jóndeý qyzmetinde (10,9% nemese 724,9 myń adam).
Sarapshylardyń zertteýlerine sáikes, eń tanymal mamandyqtardyń alǵashqy ondyǵynda mektep muǵalimderi kósh bastap tur. Belgili bolǵandai, árbir orta bilim berý mekemesinde 20 qyzmetker jumys isteidi. Jalpy, Qazaqstanda 352,2 myń muǵalim bar.
Kelesi orynda esepshiler (býhgalterler) 268,2 myń adam.
Úzdik úshtik qatarynda - sýpervaizerler, satýshylar jáne olardyń kómekshileri bar - 256 myń adam.
Ekinshi toqsannyń sońynda jumyssyzdar sany 441,8 myń adamdy qurady, bes jyl ishinde olardyń sany 4,2% azaiǵan.
Jumyssyzdardyń basym bóligi Almatyda 50,3 myń adam. Bul eldegi jumyssyzdardyń jalpy sanynyń 11,4% quraidy. Almaty oblysynda 48 myń adam, Túrkistan óńirinde 42,1 myń adam jumyssyzdar qatarynda.
15-28 jas aralyǵyndaǵy jumyssyzdar sany 81,1 myń adam.
Halyqtyń jumyssyzdyq deńgeii bir jyl ishinde 4,9% -dan 4,8%-ǵa, deiin tómendedi.
