Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Qylmys

Qazaqstandaǵy eń iri qarjy piramidasynyń isi sotqa jiberildi

Ult portaly
Qazaqstandaǵy eń iri qarjy piramidasynyń isi sotqa jiberildi


Qazaqstandaǵy eń iri qarjy piramidasy Questra World-qa qatysty is sotqa jiberildi. Bul týraly QR Ishki ister ministrliginiń resmi ókili Nurdildá Oraz málimdedi, - dep habarlaidy Tengrinews.kz tilshisi.

"Ótken aptada Táýelsiz Qazaqstan tarihyndaǵy eń iri qarjy piramidasy Questra World-ty qurdy dep aiyptalǵandar isi sotqa berildi", - dedi Oraz aptalyq brifingide.

Onyń aitýynsha, IIM tergeý-jedel toby osy qarjy piramidasynyń basshylaryna qatysty qylmystyq is boiynsha sotqa deiingi tergeýdi aiaqtady.

"Tergeý barysynda 2016 jyldyń naýryzynan 2017 jyldyń maýsymyna deiin Ispaniia, Kabo-Verde jáne Resei azamattary Qazaqstan aýmaǵynda Questra World qarjy piramidasyn quryp, ony qazaqstandyqtar da tartylǵan transulttyq uiymdasqan top quramynda basqarǵany anyqtaldy. Piramida basshylary salynǵan somanyń 336 paiyzǵa deiin tabys tabýǵa kepildik berip, salymshylarǵa virtýaldy valiýtany paidalaný arqyly 90-nan 500 myń eýroǵa deiingi oidan shyǵarylǵan investitsiialyq portfelder satyp alýdy usynǵan", - dedi Nurdildá Oraz.

Belsendi is-qimyldar nátijesinde qarjy piramidasyna Qazaqstannyń myńdaǵan azamattary tartyldy. Keltirilgen materialdyq shyǵyn somasy milliard teńgeden asty.

Qylmystyq is boiynsha tórt adam, onyń ishinde 2020 jyldyń tamyzynda Belarýssiiadan ekstraditsiialanǵan Resei azamaty Olga Kleinard jaýapqa tartyldy. Tergeý málimetteri boiynsha, Olga Kleinard Qazaqstan aýmaǵynda alaiaqtardyń áreketterine jetekshilik etken.

Qarjy piramidasy týraly alǵash ret 2017 jyly aityldy. Ishki ister organdary 2017 jyldyń 15 naýryzynda Questra Holdings Inc. kompaniiasyna qatysty qylmystyq is qozǵady. Qyzylorda oblysynyń prokýratýrasy habarlaǵandai, piramidaǵa qatysý úshin keibir azamattar páterlerin satqan.

Oqi otyryńyz