Búgin Belarýs Respýblikasynyń Qazaqstandaǵy elshiliginiń poshtasyna belgisiz bireýler hat joldap, ǵimaratqa bomba qoiylǵanyn aitqan, dep habarlaidy QazAqparat.
Nur-Sultan qalalyq politsiia departamenti baspasóz qyzmetiniń málimetine sensek, 1 qazan kúni 102 qyzmetine Belarýs Respýblikasynyń Qazaqstandaǵy elshiliginen habar túsken.
Qyzmetkerlerdiń aitýynsha, elshiliktiń elektrondy poshtasyna belgisiz bireýler hat joldap, ǵimaratta jarylǵysh zat bar ekenin aityp qorqytqan.
Qalalyq politsiia departamentiniń kúsh-jigerimen elshilik túgel qaraldy, atalmysh aqparat rastalǵan joq.
Belarýs elshiliginiń ǵimaratynan qaýipti eshteńe tabylmaǵan.
Atalǵan fakti negizinde sotqa deiingi tergeý bastaldy. Kinálini jedel izdestirý sharalary shuǵyl qolǵa alynǵan.
Qalalyq politsiia departamenti jarylǵysh zat jaiynda ótirik habarlama jibergenderdiń zańmen jazalanatynyn eske salady.
«Qala turǵyndarynan sebepsiz baibalam salmai, messenjerde jalǵan habarlama taratpaýdy ótinemiz» dep eskertedi prolitsiia.
