Foto: Egemen.kz
Qaraǵandydaǵy mansap ortalyǵynyń direktory mektepterdegi muǵalimderdiń tapshylyǵy máselesi demografiialyq kórsetkishtermen shielenisip otyrǵanyn málimdedi. Ol tapshylyqty 2000 jyldardaǵy týý kórsetkishiniń ósýimen bailanystyrady.
31-arnanyń Informbiýro baǵdarlamasynyń habarlaýynsha, tamyzda enbek.kz saitynda 15 myńnan astam muǵalim vakansiiasy jariialanǵan. Mektepter men balabaqshalar oqý jyly qarsańynda qyzmetkerlerdi qabyldady. Oqý-aǵratý ministrligi eńbek birjalary tapshylyqtyń jyl saiyn artyp kele jatqanyn rastady.
Qaraǵandydaǵy mansap ortalyǵynyń direktory Berik Esenov 384 mamannyń jetispeitinin aitty.
"Bir ǵana Qaraǵandy qalasynyń ózinde 384 maman jetispeidi. Maman tapshylyǵy jyl ótken saiyn artyp keledi. 300-den astam bos jumys orny bar bizde úmitkerlerden áldeqaida kóp adam bar", – dedi direktor.
Qaraǵandy oblysynyń bilim basqarmasy basqa óńirlermen salystyrǵanda muǵalimderdiń jetkilikti ekenin aitady. Búginde 3 myń muǵalim jetispeidi. Ol negizinen Aqmola, Almaty, Atyraý, Jambyl, Qaraǵandy, Qostanai, Pavlodar oblystarynda, Astana men Almatyda. Ony ýniversitet túlekteriniń esebinen jabýdy josparlap otyr.
Oqý-aǵartý ministrligi Orta bilim komitetiniń bas sarapshysy Juldyz Elýbaeva jalaqy eki ese ósti dep otyr.
"Muǵalimderdiń jalaqysy eki esege ósti. Pedagogikalyq baǵyttar boiynsha granttar sany 15 myńnan 16 myń grantqa deiin ulǵaityldy. Sonymen qatar shákirtaqy kólemin 58 myń teńgeden 67 myń teńgege deiin kóterdik", – dedi sarapshy.
Áleýmettanýshy barlyq reformalarǵa qaramastan, muǵalim mamandyǵy bedeldi bola almasa, bul sharalardyń bári kómektespeitinin atap ótti. Oqý oryndaryndarynda qyzmetkerlerdiń qyzmetten ketýi jii kezdesedi deidi sotsiolog Tatiana Rezvýshkina.
"Adam óte tez sharshap ketedi. Elestetip kórińizshi, bastaýysh synyp muǵalimi, sizde 30 bala, siz úshin 60 ata-ana bar, olar sizden maksimaldy investitsiiany, jeke kózqarasty, bárine qarjylyq shyǵyndardy talap etedi. Mektep basshylyǵy sizden talap etip otyr. Qazirgi jastarymyz mundai jaǵdaida jumys isteýge kelispeidi", – dedi sotsiolog.
Ulttyq statistika biýrosynyń sarapshysy Bibigúl Mirasbek “bebi-býmnyń” da buǵan áser etetinin alǵa tartady.
"Qazir 2017 jyly týǵan balalar 1-synypqa barady. Bul týý kórsetkishi eń tómen kezeńderdiń biri, iaǵni 390 myń náreste dúniege kelgen. Sońǵy onjyldyqty salystyrsaq, 2023 jyldan keiingi týý kórsetkishi 2017 jyly eń tómen. Eń joǵary týý kórsetkishi 2020 jáne 2021 jyldary, sáikesinshe, 426 myń jáne 446 myń náreste boldy. 2020 jáne 2021 jyldary eń joǵary týý kórsetkishi sońǵy 10 jylda ǵana emes, sonymen qatar Qazaqstan Respýblikasynyń táýelsizdik alǵan búkil kezeńinde de tirkeldi. Iaǵni 3-4 jyldan keiin bul balalar mektepke barǵanda muǵalim tapshylyǵy odan da artady", – dedi sarapshy.
