© Pixabay / Markus Distelrath
Qazaqstan Premer-ministri Álihan Smaiylov elimizde salynatyn atom elektr stantsiiasynyń qurylysy týraly aitty, dep habarlaidy Sputnik Qazaqstan.
Onyń málimetinshe, bolashaqta elektr energiiasy tapshylyǵy bolady dep boljanyp otyr.
"Atom elektr stantsiiasyn salmasaq, biz bul máseleni sheshe almaimyz. Ekonomikamyz elektr energiiasymen tolyq qamtamasyz etpesek, ári qarai damý óte qiyn bolady", - dedi Álihan Smaiylov "Qazaqstan" telearnasyna bergen suhbatynda.
Ol AES salý máselesi boiynsha sheshim qabyldanyp, orny belgilengenin atap ótti.
"Qazir energetika ministrligi dúniejúzindegi ozyq tehnologiialardy qarastyryp jatyr. AQSh, Frantsiia, Ońtústik Koreia jáne Reseidiń tehnologiialaryn zerdeleýde. Jalpy bul halyqaralyq joba bolady. Iaǵni birneshe memleketten ár túrli tehnologiia tartylady", - dedi Premer-ministr jýrnalistiń atom elektr stantsiiasy kimniń tehnologiiasy boiynsha salynady degen suraǵyna jaýap berip.
Prezident Qasym-Jomart Toqaev Energetika ministri Bolat Aqsholaqovqa Túrkiianyń "Akkýiý" AES-in salýdaǵy tájiribesin jan-jaqty zerdeleýdi tapsyrǵan bolatyn.
