QR Prezidenti janyndaǵy Qazaqstan strategiialyq zertteýler institýty ata-analar arasynda ózderi úshin kitap oqi ma, joq pa degen suraq boiynsha saýalnama nátijesin jariialady, dep habarlaidy QazAqparat.
Qazaqstanda 11 myńǵa jýyq kitaphana bar. 2021 jyl — Qazaqstanda balalar men jasóspirimderdiń kitap oqýyn qoldaý jyly bolyp jariialandy, onyń sheńberinde búkil el boiynsha birqatar tiisti is-sharalar josparlanǵan. Dástúrli kitaphanalyq qyzmetpen qatar, Qazaqstanda Ulttyq elektrondy kitaphananyń jumysy jetildirilýde.
Degenmen, ata-analardyń mektepterge, muǵalimderge degen narazylyǵy týraly únemi estýge týra keledi, alaida barlyǵy otbasynan bastalady. Bilim berýdiń eń jaqsy tásili — ol jeke mysal kórsetý ekeni burynnan belgili. Kitap oqý turǵysynan qazaqstandyqtar balalaryna qandai úlgi kórsetip jatyr?
Respýblikalyq áleýmettik zertteý nátijelerine sáikes, nekede turǵan ár ekinshi respondent eshqashan kitap oqymaidy.Úilengen respondentterdiń tek 5,0%-y kún saiyn kitap oqidy. Kishkentai jáne eresek balalary bar, eshqashan kitap oqymaityn respondentterdiń úlesi óte joǵary: otbasylarynda 4 jáne odan kóp balasy barlardyń – 43,7%; bir balasy barlardyń – 53,7%; al kámeletke tolǵan balalary bar respondentterdiń 56,3%-y kitap oqymaidy.
