Ulttyq statistika biýrosynyń deregine sáikes, jyl basynan beri elimizdiń áleýmettik mańyzy bar azyq-túlik baǵasy 17,4 paiyzǵa qymbattady, dep habarlaidy QazAqparat.
«19 ataýdy qamtityn áleýmettik mańyzy bar azyq-túlik taýarlary 2022 jylǵy 5 shildedegi jaǵdai boiynsha (jyldyq mánde) 17,7 paiyzǵa qymbattady. Bul 2021 jylǵy sáikes kezeńnen 2,2 paiyzdyq tarmaqqa joǵary. Ótken aptada jáne ai basynan bergi kezeńge áleýmettik mańyzy bar azyq-túlik taýarlaryna baǵalar 0,2 paiyz, jyl basynan beri kezeńge 17,4 paiyzǵa ósti.
Sonymen qatar biýro 5 shildedegi jaǵdai boiynsha áleýmettik mańyzy bar azyq-túlik taýarlarynyń ortasha baǵasyn usyndy. Resmi derekke sáikes, elimizde birinshi surypty unnyń 1 kelisi 220 teńge turady. Biraq, elordada qymbat – 264 teńge. Qazaqstan boiynsha qumshekerdiń ortasha baǵasy 1 kelisine 519 teńge bolsa, birinshi surypty unnan pisirilgen nan - 188, qaraqumyqtyń 1 kelisi – 501, sary maidyń 1 kelisi – 3 256, 1 litr kúnbaǵys maiy - 824, siyr etiniń (jaýyryn-tós bóligi) 1 kelisi – 2 200, taýyq etiniń 1 kelisi – 1 138, pasterlengen súttiń 1 litri – 307, kartoptyń kelisi – 183, sábiz – 206, 10 dana jumyrtqa 369 teńgeni quraidy.
2022 jyldyń maýsymynda 2021 jyldyń maýsymymen salystyrǵanda infliatsiia 14,5 paiyz boldy.
