Keshe, 12 sáýirde Qazaqstanda taǵy 2016 adamnyń koronavirýs testi oń shyqqan. 10 adamǵa koronavirýs pnevmoniiasy diagnozy qoiylǵan. 28 adam ólimi tirkeldi: 24 adam – koronavirýstan, 4 adam koronavirýs pnevmoniiasynan qaitys boldy dep aitylady. Densaýlyq saqtaý ministrligi koronavirýs pnevmoniiasy men adam ólimi boiynsha eki burynǵy málimetti jariialap keledi.
Naýqastar sany jóninen Almaty qalasy áli alda tur. Dúisenbi kúni munda 598 naýqas anyqtalǵan. Nur-Sultanda – 337, Shyǵys Qazaqstan oblysynda – 20, Pavlodar oblysynda – 57, Atyraý oblysynda – 34, Qaraǵandy oblysynda – 203, Aqmola oblysynda – 90, Batys Qazaqstan oblysynda – 113, Almaty oblysynda – 263, Qostanai oblysynda – 30, Soltústik Qazaqstan oblysynda – 31, Shymkent qalasynda – 20, Jambyl oblysynda – 51, Aqtóbe oblysynda – 85, Túrkistan oblysynda – 24, Mańǵystaý oblysynda – 9, Qyzylorda oblysynda – 51 naýqas anyqtalǵan.
2020 jyldyń naýryz aiynan beri elde 273 825 adamnyń koronavirýs testi oń shyqqan. Sodan beri 3260 adam qaitys bolǵan. Bul statistikaǵa koronavirýs juqtyrǵany rastalǵan, biraq "ózge aýrýdan qaitys boldy" degen myńǵa jýyq adam ólimi enbegen.
Qazaqstan úkimeti byltyr tamyzdan beri virýs juqtyrǵany PTR testimen rastalmaǵan, biraq aýrý belgileri boiynsha koronavirýsqa uqsaityn pnevmoniia esebin júrgizip keledi. Sodan beri elde barlyǵy 51 409 adam pnevmoniianyń osy túrimen tirkelgen. Onyń 731-i qaitys bolǵan. Bul derek koronavirýstyń resmi statistikasynan bólek júrgiziledi.
Qazir 35 178 adam koronavirýstan emdelip jatyr. 34 myńnan astamynyń koronavirýs testi oń shyqqan. 586 adamnyń jaǵdaiy aýyr, 175 naýqastyń hali óte aýyr. 112 adam jasandy tynys apparatyna qosylǵan.
Úkimet te, sarapshylar da Qazaqstanda vaktsinalaýdyń baiaý júrip jatqanyn aitady. 13 sáýirdegi málimet boiynsha, elde 384 myń adam "Spýtnik V" ekpesiniń birinshi dozasyn alsa, 106 myń adam eki dozasyn da alǵan. Koronavirýsqa qarsy ózge vaktsinalar sekildi "Spýtnik V" ekpesi de eki dozadan turady. Ekinshisi birinshisinen keiin 21 kún ótkende salynady.
