2019 jyldyń 10 aiynda Qazaqstanda 74,8 mln tonna munai óndirildi. Bul 2018 jyldyń dál osyndai kezeńimen salystyrǵanda 100,3 paiyzǵa artyq, dep habarlaidy "Ult aqparat".
QR Energetika ministrliginiń málimetinshe, elimizdegi eń iri úsh munai-gaz jobasy sanalatyn Qashaǵanda 11,5 mln, Teńizde 24,6 mln, al Qashaǵanda 9,1 mln tonna munai óndirilgen.
Biyl úsh jobada da negizgi óndiris tolyqtai toqtatylyp, kúrdeli jóndeý jumystary tabysty aiaqtaldy: Qashaǵanda kúrdeli jóndeý jumystary 2019 jyldyń 14 sáýirinen 19 mamyrǵa deiin júrgizilip, merziminen 15 táýlikke erte aiaqtaldy; Teńizde 2019 jyldyń 1 tamyzy men 12 qyrkúiegi aralyǵynda jóndeý jumystary júrgizilip, merziminen 3 kúnge erte bitti; Qarashyǵanaqta jóndeý jumystary 15 qyrkúiek pen 12 qazan aralyǵynda júrgizildi.
Negizgi óndiristiń toqtatylǵanyna qaramastan jyl sońynda óndirilýi kútilgen kólem artty: Qashaǵanda 13,5 mln tonnadan 14,5 mln tonnaǵa deiin; Teńizde 29 mln tonnadan 29,6 mln tonnaǵa deiin; Qarashyǵanaqta 11 mln tonnadan 11,2 mln tonnaǵa deiin.
Energetika ministrligi munai óndirý qarqynyń ósimin eskere otyryp, elimizdiń munai óndirýiniń jyldyq boljamyn 90,5 mln tonnaǵa deiin arttyrdy. Bul 2018 jyly óndirilgen munaidan 0,1 mln tonnaǵa kóp.
