Bilim jáne ǵylym ministrligine vedomstvolyq baǵynyshty JOO oqytýshylarynyń jalaqysy osy jyldyń qyrkúieginen bastap ósti. Endi ýniversitet oqytýshylary aiyna keminde 200 myń teńge alady, dep habarlaidy "Ult aqparat" ministrliktiń baspasóz qyzmetine silteme jasap.
Aǵa oqytýshy keminde 230 myń teńge, qaýymdastyrylǵan professor – 260 myń teńge, professor – 350 myń teńge (ulttyq joǵary oqý oryndarynda – 400 myń teńge) alady.
«Memleket basshysynyń qoldaýynyń arqasynda ministrlik joǵary oqý oryndarynyń shtattyq qyzmetkerlerine minimaldyq jalaqy belgileý týraly buiryq qabyldady. QR BǴM-ge baǵynyshty joo oqytýshylarynyń jalaqysy artty. Sondai-aq bir stavkanyń maksimaldy kólemi endi bir oqý jylynda 680 saǵattan aspaidy. Iaǵni, oqý júktemesi tómendetiledi. Ózgeris professorlyq-oqytýshylyq quramnyń ǵylymi qyzmetpen ainalysýy úshin múmkindik pen ýaqyttyń kóbirek bolýyn kózdeidi», - dep atap ótti Bilim jáne ǵylym vitse-ministri Qýanysh Erǵaliev.
Esterińizge sala keteiik, buǵan deiin Ulttyq qoǵamdyq senim keńesiniń otyrysynda Memleket basshysy JOO oqytýshylarynyń jalaqysyn kóterýdi tapsyrǵan bolatyn.
2019 jylǵy qyrkúiekte BǴM-ge vedomstvolyq baǵynyshty JOO professor-oqytýshylar quramynyń eńbekaqysy 20%-ǵa, 2020 jylǵy qyrkúiekte taǵy da 20%-ǵa ulǵaityldy.
Jalaqyny edáýir arttyrý barysynda onyń minimaldyq mólsheri jáne pedagogika júktemesiniń maksimaldy kólemi belgilendi.
