Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine jyljymaityn múlikke quqyqtardy jáne zańdy tulǵalardy memlekettik tirkeý máseleleri boiynsha ózgerister men tolyqtyrýlar engizý týraly» Zańy eki oqylymda qaralyp, qabyldandy, dep habarlaidy "Ult aqparat".
Atalǵan zań jobasy bir top Parlament depýtattarynyń bastamashylyǵymen ázirlengen.
Usynylǵan zań jobasynyń negizgi maqsaty – jyljymaityn múlikke quqyqtardy jáne zańdy tulǵalardy memlekettik tirkeý salalaryn jetildirý, zańnamalyq normalaryn qazirgi zaman talabyna sáikes keltirý.
«Zań jobasynda kózdelip otyrǵan ózgerister men tolyqtyrýlar jyljymaityn múlikke quqyqtardy tirkeý tetigin elektrondyq júiesine úilestirip, keibir múlikti tirkeý merzimderine qatysty normalardy jetildirip, tirkeý merzimin saqtamaǵan jaǵdaida ákimshilik jaýaptylyqty alyp tastaý qarastyrylǵan. Qujatta jyljymaityn menshik ieleriniń (menshik iesi óz qalaýy boiynsha, apattyq jaǵdaidaǵy) buzylǵan jyljymaityn múlik obektilerine quqyqty toqtatý tetikterin bekitýge, soǵan bailanysty memlekettik jáne jergilikti organdardyń quzretin belgileý usynylǵan», - dedi senator Nurlan Beknazarov.
Zań jobamen qatysýshy sharýashylyq seriktestikterdiń jarǵylyq kapitalyndaǵy úlesin ielikten shyǵarý kezinde ony qaita tirkeý úshin qajetti qujattardyń tizbesin aiqyndaý kózdelip otyr.
«Iaǵni, sharýashylyq seriktestiginiń shyǵatyn qatysýshysynyń múliktegi úleske quqyǵyn ielikten shyǵarý (basqaǵa berý) shartyn usyný qajet.
Jalpy zań jobasy vedomstvoaralyq úilestirýdiń tiimdiligin arttyrýǵa, qoldanystaǵy tirkeý protsesterin jáne memlekettik qyzmet kórsetý tártibin jetildirýge baǵyttalǵan. Zań jobasy qoldanystaǵy retteýdiń tiimdiligin tolyq taldaýdy, azamattar men memlekettik organdar arasynda qalyptasqan qatynastardaǵy turaqtylyq pen quqyqtyq senimdilikti qamtamasyz etedi», - dedi depýtat.
Atap aitqanda, depýtattar jyljymaityn múlikke quqyqtardy ýaqtyly tirkemegeni úshin ákimshilik jaýapkershilikti alyp tastaýdy usyndy. Endi budan bylai mundai keshigý oryn alǵanda adamdar jazaǵa tartylmaidy jáne aiyppul salynbaityn boldy. Sonymen qatar, jer ýchaskesine qujattardy resimdeý jáne jyljymaityn múlikke quqyqtardy memlekettik tirkeý rásimi aitarlyqtai jeńildetiledi. Osylaisha, adamdarǵa osy memlekettik qyzmetterdi alý ońaiyraq bolady.
