Foto: QR OAM
Qazaqstanda sýbsidiialardy jymqyrý faktilerinen keiin jeke mektepterge qoiylatyn talaptar kúsheitiledi. Oqý-aǵartý ministrligi endi jeke mektepterge litsenziia tek oqýshy oryndary jetispeitin óńirlerde ǵana beredi, dep habarlaidy Ult.kz.
Oqý-aǵartý ministri Juldyz Súleimenova bolashaqta jeke mektepter tek naqty qajettilik bar óńirlerde ǵana ashylatynyn aitty. Litsenziialar tek úsh aýysymdy mektepterdi, apatty jaǵdaidaǵy mektepterdi almastyrý qajet bolǵan jaǵdaida jáne memlekettik mektepteri jetispeitin óńirlerde beriledi.
Sondai-aq zańnama aiasynda jeke mektepterdiń quryltaishylaryna qoiylatyn talaptar da kúsheitiledi.
"Olar bilim sapasy, muǵalimderdiń biliktilik deńgeii jáne oqýshylardyń qaýipsizdigi úshin jaýapty bolady. Sondai-aq mektep direktorlaryn taǵaiyndaý tártibin ózgertý josparlanyp otyr. Bolashaqta taǵaiyndaý týraly sheshimder tek quryltaishylardyń qaraýyna ǵana emes, salalyq ministrlik pen jergilikti atqarýshy organdardyń kelisimi eskerile otyryp qabyldanady", — dep málimdedi ministrlik.
Vedomstvo málimetinshe, qazir Qazaqstanda litsenziiasy bar 890 jeke menshik mektep jumys isteidi. Úkimet jańa ashylatyn jeke mektepterde memlekettik tapsyrys ornalastyrýǵa moratorii engizýdi josparlap otyr.
