Elimizde dizel tapshylyǵyn qoldan jasaý múmkindigi tekserilmek. Bul týraly QR Energetika vitse-ministri Áset Maǵaýov málim etti, dep habarlaidy QazAqparat.
«Qolda bar dizel qoryna jedel monitoring júrgizý úshin biz elimizdiń barlyq munai bazalaryn avtomatty túrde ólsheý quralymen jabdyqtaý máselesin kóterdik. Bul elimizdegi janar-jaǵarmai qory deńgeiin anyqtaý men qadaǵalaýǵa múmkindik beredi. Sondai-aq, Qarjy ministrligi, Qarjylyq monitoring jáne Básekelestikti qorǵaý jáne damytý agenttikterimen birlesip iri munai bazalarynda dizel otynyna degen tapshylyqty qoldan jasaý jáne shekteý máselesin tekserý jaǵy pysyqtalyp jatyr», - dedi Áset Maǵaýov Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, el kóleminde osy aida 300 myń tonnadan astam dizel óndiriledi.
«Ministrlik tarapynan qabyldanǵan sharalardy eskere otyryp, qazan aiynda 330 myń tonna kóleminde dizel otynyn óndirý josparlanyp otyr. Qazannyń 1 onkúndiginde 130 myń tonna dizel óndirildi. Odan bólek 80-100 myń tonna kólemindegi dizeldi syrttan ákelý mindeti tur. Sol arqyly ishki naryq suranysyn qamtamasyz etpekpiz», - deidi ol.
